شمس المضيّة أفّلت في يوم لطفوف=والفلك الدوار لجله صابه اِرجوف لولا القضا جاري اُوأمر اللي امحتم=من عقب وقعة كربلا منهم محد تم صول اُوخلا انهارهم والجوّ أكتم=شمس الضحى غابت واَبدت شمس لسيوف أقبل عليهم ماسح ابسيفه ولسنان=والشام زلزلها اُوزلزل أرض كوفان والأرض زلزلها اُوهو ملهوف عطشان=روحي فدى له اُوهو صادي الكبد ملهوف يحمل على العدوان ابو السجّاد وحده=اسم الله على شيخ العشيره عن الوحده ماحد من ارجاله ولا الانصار عنده=لحبيب لا الجسام ولا مقطوع لكفوف اقبل على ارجاله وانصاره ينادي=ماحد بقى منكم ايقدم لي جوادي عبّاس ما تقعد يمقطوع الايادي=من مصرعك ياخوي تقعد ساعة اُوشوف وانظر عضيدك يا عضيدي وقف حاير=ينظر ابعين القوم اُوعين للحراير اينادي ابكلام تنفطر منه المراير=واشومها ساعة علينا واعظمه اُوقوف واتحركت اجسادهم يوم نخاهم=لكن بليا روس اُوهي تشخب ادماهم قالوا يبو السجّاد فرسانك تراهم=لا روس يالوالي ولا ظلّت لنا اكفوف غصب علينا ننظرك حاير يمظلوم=واصعب علينا يوم دارت حولك القوم يحسين سامحنا ترى ما نقدر انقوم=مالنا ايادي يالولي تنقل للسيوف