شمس الهدى ابعشر المحرّم يا مسلمين=غابت اُو أظلم نورها واتهدّم الدين بيرق الإسلام انتكس في يوم عاشور=من طاح ابو السجّاد في الترب عافر ولا بقى للدين بعد اِحسين ناصر=بيرقه انتكس واندهى ابذلّة اُوتوهين الله واكبر من بقى يجذب الونه=بالشمس عاري امركزه بصدره الاسنه ماله اظلال ايظلّله زينة الجنّه=غير الطيور ايظللونه بالجناحين لطيور لما شافت اُوصاف الوعدها=يوم تريد النصرته واِحسين ردها اُوقلها اذا شفتون جسمي في وهدها=جثّة بليا راس يطيور اُوبلا ايدين تالي تعالوا ظللوا كلكم عليّه=ذي نصرتي منكم اُو قصدي والبغيّه واتمرغوا ابدمي اُو طيروا بالسويّه=اُوودوا اخباري للنبي خير النبيين لطيور جات الكربلا اُوشافت مصايب=شافت ابو السجّاد في حر الترايب حوله اُولاده واخوته اُوكل الحبايب=جثّة بلا راس اُوبلا يسرى ولا ايمين صفّت عليه إتظلله اِطيور كثيره=إتصيح ابلغتها اِتقول وا شيخ العشيره واتمرغوا ابدمه اُوطاروا الكل ديره=كلمن يحن وايصيح واحزني على احسين واحد تمرغ من ادمومه اُوصعد انفاس=وارتفع في جو السما يلطم على الراس وايقول ذبحوا اِحسين والأكبر اُو عبّاس=اُو جسام نسل الحسن مع كُل الشياهين ما بين هو ايسير اُولنّه ابجمعة اطيور=فوق لشجار العالية والكل مسرور يتذاكرون العلف والزينة ولزهور=اُوعن غدر الدنيا اُو فجايعها امعرضين اُوصاح يطيور الذي ابفرحة اُوزينه=خلّوا الفرح عنكم ترى الزهرا حزينه في كربلا مهجة حشاها ذابحينه=اِحسين انذبح مظلوم واحزني على احسين اُوراح المدينة اُوحل على قبة المختار=والدم يقطر من جنحانه اُويجر تزفار اُوكلمن رآه اعتجب منه اُوظل محتار=ويش صايبك يا طير اُوهذا الطير من وين حن اُوبكى واحكى لهم بالعربيّه=اُوعلا نحيبه اُوصاح بدموع جريّه اُوقلهم ياناس مريت وادي الغاضريّه=اُوشفت الشهيد اِحسين وانصاره مطاعين