دخلت علينا القوم وين أهل الحميّه=قوموا دركوا الخيمة يفرسان الضريّه يحسين زينب في الخبا باتت بلا اكفيل=ما في خباها إلاّ يتاماها ولعليل مادري شموسي ابها اليتامى بظلمه الليل=نسوه بليا اكفيل يا راعي الحميّه من قبل ما يمسي مسانا يا نساوين=قوموا نروح المعركة واندور احسين معلوم ما يدري العدى وصلوا الصياوين=ما يدري الايتام في ضيم اواذيّه وقفتْ على باب الخيم تنخى اُوتنعى=من حولها النسوان حسرى ابغير اقنعى اُو فرسانها فوق الثرى صرعى اُوضجعى=واخيامها امن ارجالها كلها خليّه نادت على العبّاس يا حامي ظعنّه=أسمعها أبو فاضل اُوجاوبها اِبونّه ردّي إلى الخيمة يسكنة ابغير رنّه=ما قدر اسمعك تجدبي الونّة خفيّه لو كنت انا بلوجود ما حد وصل ليكم=والخيل ما جتكم ولا واحد يجيكم لكن بليا اكفوف ويش بيدي عليكم=شكواك لله من فعل بني اُميّه عمك يسكنة ايعود لا تترقبينه=زندى بليا اكفوف حالي تنظرينه قالت يعمّي من يردنا للمدينه=وانا بليا اقناع ما ترضى عليّه لاعم لا والد ولا بعل بقى لي=اُوظعن النسا ما يشيل نسوه ابغير والي قوموا انظروا زينب يهلها ابغير والي=ثوروا اليها بالعجل يهل الحميّه واِحسين ما ندري وقع في وين جسمه=قوموا ينسوه انروح له كلنا ابلمه نوقع على جسمه اُو نتخضب ابدمه=وانشيل جسمه خوفتي يبقى رميّه