يرجال عزي ما بقت منكم بقيّه=ما قصرت لعدى ولا بقت عليّه اُولا اعتب على اللي ابعيد عتبي على الاهالي=نمتوا اُوطال النوم منكم يا رجالي ويش هالغفاله عن حريم ابغير والي=ابتخذيرها انسيتون تعبت لوليّه خلنا صبرنا اعلى الهضم ويا الاهانه=اُوقلنا يجبنا الله ربنا وابتلانا لكن مانقوى اعلى سبلنا اُولا سبانا=عار عليكم ياهلي اُوعار عليّه انكان احتملتوا عار ذلنا يا اماجيد=اُوركب الهزيلة والسفر لو امجاذب البيد عار علينا لو يدخلونا على ايزيد=هذي عليكم تستوي خجلة اُوبليّه وانكان غيرتكم رضت باللي نقوله=اُوقلتون هالمجلس مهو امنا في ادخوله عار عليكم ينشتم زوج البتوله=ينشتم بونا اُوينسبوني خارجيّه