يا ساعة الكشرا على ذيك الخواتين=يوم لفى ليها المهر خالي من احسين طلعت من الخيمة النسا كلها مداهيش=وحده تنادي اشها المصاب النغص العيش اووحده تنادي انكان راح اِحسين ماعيش=اُووحده تخر فوق الثرى اُو تلطم الخدّين او تلقى لهم ضجة على امصيبة المذبوح=اُو كثر اللطم سوى على اُوجوه النسا اجروح ولنجوم لافقدت شمسها قامت اتلوح=الشمس ابو سكنة ولنجوم الخواتين وصلوا سريع المصرعه ايشوفون حاله=شافوا الشمر دايس على صدره ابنعاله وامن الظما اُو نزف الدما الجلد ماله=لن العطش يبس افاده والشفاتين صاحوا ابوجهه اُو زينب اتقله يخايب=ما تراقب الله ابها لغريب اُوها لغرايب لا من ذبحته نسوته تغدي شعايب=خلني امدنه اُو باغمض له العين هذا الذي جبريل في مهده يناغيه=وابكاه للمختار لو مَن صاح يؤذيه وانته يشمر ابن الخنا شربه ما تسقيه=وامن العطش قلبه ترى صار شطرين عن نحر أبو سكينة الولي سيفك تنحّه=لا تذبحه يا شمر تفجعنا اِبذبحه قلها يزينب داسكتي لازيد اذبحه=وادعي السما تبكي اُو تبكيه الاراضين اُو ميّز كريمه اُولا اختشى اِمن الله ولا هاب=والراس شاله والجسد يعفر بلتراب اُو زينب الحورا تنتحب والدمع سكّاب=واتقول راح أخاً يعي مثله بعد وين قامت بحسرتها اُوكلّ الحرم معها=ادموع النسا تجري اُوهي تجري دمعها لكنها ابسوطه الشمر كسر ضلعها=صاحت ابعالي الصوت ترضى يا ضيا العين ترضى الشمر يضرب عزيزتكم يمظلوم=ما انا وديعة بوك حيدر بحر لعلوم بعد المعزّة يا كفيلي ابولية القوم=قلها ارجعي امرك إلى الله واصبري زين صبري على ضرب اُوشتم واعلى هضيمه=واتكفلي ابكل ارمله وطفله اويتيمه قالت يخويه امصيبتي شنعا اُو عظيمه=حرمه اُو غريبه برض ففرا مالي امعين