ويلي على بدر انخسف في أرض لطفوف=غاب اُو ظهر لكن بين أرماح واسيوف بدر تلالا اُوفي محاني كربلا غاب=اُوجسم تربى ابحجر طاها ظل بلتراب ياما ارتوت ارماح من دمه اونشاب=نوحوا على بدر غدا بالخيل مخسوف والله فجيعة تبلعين القمر كله=الله يبدر غاب يوم وصل للطفوف والحوته اللي ابكربلا وصّوا عليها=اقمارها اللي لك لفت لا تبلعيها خوفي على الدّنيا عقبهم تظلميها=هم زينة الدنيا اُوهم الملجا من الخوف صرتي بعد يا غاضريّة كالسفينه=يوم لفتك انوارها اللي بالمدينه إنهنّيك باللي اتعفر ابتربك جبينه=نلتي الفخر منه اُوصرتي مأمن الخوف إنهنّيك باللي صار في ارضك رميّه=محطوم صدر من اطراد الأعوجيّه مرفوع راسه فوق راس السمهريّه=شالوا ابراسه اُوهبت بنا ارياح لخسوف اُو لجله سماوات العليّة كادت اِتمور=اُو لفلاك لجله اِتعطّلت عيّت فلا اتدور والوحش والأسباع تتصارخ بلبرور=يبكوا على جسم غدا بالخيل مخسوف يا أرض سيخي اُو يا سما خري على القاع=حزنك على من رضضوا صدره والاضلاع يحسين ذبنا عاد من شدّت هلنزاع=يا ليت ظعنك كان ما وصل للطفوف