لحد يدار اِحسين ظلّيتي خليّه=يا دار اِخويه اِحسين وين أهل الحميّه يا دار وين اِحسين واِخوانه الصناديد=في وين فرسان الشيم ذيك الأماجيد قالت برض مكّة الشفيّة عيّد العيد=من عقب ما عيّد مشى للغاضريّه وفّاد عقب اِحسين لا تجون المدينه=قصدوا فيافي كربلا الحامي الظعينه سافر وشوفه طول الغيبه علينا=يمتى يعود المنزله باقي البقيّه يحسين بعدك دوركم ظلت خرايب=وفّادكم ليكم لفت من كُل جانب اباب المنازل يالاُخو ناخوا الركايب=جولك على المعتاد يبغون العطيّه وسط المنازل سمعت الوفّاد ونّه=اُوصوت ينادي يا كفيل الراح عنّه بعدك اُخوك الضفر صار النوح فنّه=يجذب الونّة لا نظر دارك خليّه ماظن تنساني يصنديد الحريبه=من شلت عنا اظلمت يحسين طيبه حزني على اللي سافر اُو طول الغيبه=يمتي يجي المرسول من راعي الحميّه نمسى اِبحزن وانقول باكر تلفي أخبار=وإلاّ يجي حامي الظعينة اُوقاضى الدار او يستر قلبي ابجيتك يا حامي الجار=الله يعود اللي مشوا للغاضريّة باسايلك يا دار وين اَهل الحميّه=حنت اُوقالت حسرتي ردت عليّه بالله يوافد لا تجي من بعد هالعام=ان جيت ما تلقى ابهذي الدار مطعام راح الكريم اللي يكيل الجود وانعام=شال اُو هجرني اُو عمر ابرور خليه ودع قبر جدّه اُوراح إيأدّي انذور=الله على جور الدهر يا ما هدم سور وان كان يا ضيف المشايخ تقبل الشور=اقصد الوالي في اطفوف الغاضريّه يا وفد شاب الرأس من كثر المسائل=قلنا لكم لحسين عن هالدار شايل انتوا اطروش ليه وذوله رسائل=اُوقولوا له جينا منازلكم خليّه قلها اخبريني عاد يا دار الأماجيد=في وين شيخك يا حزينة عيّد العيد حنّت اُوقالت والدمع بالخد تبديد=راعي الكرم والجود راح الغاضريّه قلها عجل يا دار سلطان المدينه=منهو الذي في الدار فاجعني ونينه قالت اخوه محمّد اللي امخلّفينه=يبكي اُو ينعى اُولابس اثياب الرزيّه محراب اخويه اِحسين خالي اُو موحشني=لَحد يخويه للشهاده رحت عني وان كان بعتون السهم يحسين مني=حافظ عليك الله يا باقي البقيّه كل يوم ازور المصطفى والزم ضريحه=كُل ساع لي غشوه على قبره اُوطيحه وان جيت داري زلزلوا جسمي بصيحه=اُمّ البنين اُو فاطمة ويّا صفيّه بالله يوافد روح عنّا لا تسايل=والمسألة خلها اُو طالع هالمنازل وان كان تسأل عن وليها وين شايل=الظاهر الكوفة والأصح الغاضريّه