يا مقلبين اِعلى المطايا اِنتون من وين=قالوا لها وفّاد جينا نقصد اِحسين نادت عليهم والدمع بالخدِّ مدفوق=سمعوا جوابي يا لذي اِتحثّون لنوق إنكان تبغوا اِحسين بيت اِحسين مغلوق=غلّق اِبيوته اُوشال يارجال اُونساوين نادت عليهم والدمع بالخدِّ سكّاب=شوفوا المنازل خالية ردُّوا يطلاّب راعي الكرم شال اِبحريمه اُوغلّق الباب=هذي المنازل خالية من سافر اِحسين سمعَوا حكيها اُوريّضوا بالنوق ساعه=والكُلّ منهم صاح واتحنّتْ اَضلاعه يمخدّرة رحنا عقب عينه اِضياعه=بانسايلك من هالسفر يمتى يجي اِحسين ردّوا ابخيبتكُم اُوحثّوا للركايب=قلبي على شيخ العشيرة اِحسين ذايب نازل اِطفوف الغاضريّة اُمّ المصايب=حطّ الظعينة ابكربلا واَبني الصياوين قالوا لها يمتى يجي راعي العوايد=اُوتزهر من اَنواره المنازل والمساجد سور اليتامى بوعلي اُو مقصد الوافد=يمتى يجي اُو ناخذ عوايدنا من اِحسين طلبوا من الله يرجع الوالي يوفّاد=ويعود طيبة حوله اِخوانه ولولاد يوم لمبارك من يجي بو زين العباد=واسمع النادي اِيقول قوموا جاكُم اِحسين وَصَّل أبوك اليوم يا فاطم ولعمام=اُووصلت اِخوانك واَقبل العبّاس قدّام إنكان في أرض المدينة [ اِنشرتْ ] اَعلام=واَقول جوني اِمن السفر ذيك السلاطين