أرض المدينة لا تروحوا لها يوفّاد=راعي الكرم منها طلع باهلَه ولا عاد آنا قبلكُم جيت ليه أبغي العطايا=شفت المنازل موحشة ظلّت خلايا والنّاس كُلّها لابسة اِثياب الرزايا=اُواَمّا المدينة شوفها اِيفتّت الأكباد ما شفت فيها إلاّ حزين اِيصيح بالويل=ويّا حزينة صارخة واِدموعها اِتسيل اُواَمّا النّهار أظلم عليهم واستوى الليل=ذابت حشاهُم واصطلتْ منهمْ الأجساد والمجلس اللي نقصده وامضيفنا فيه=واليوم خالي من هَلَه ما حدْ بقى فيه ما شفت إلاّ اليوم ينعى اِفراق واليه=اُواَمّا بني هاشم اُو غالب لبسوا سواد هذيك تلطم راسها اُو هذي حزينه=اُوهذي تنادي مِن بقى إلنا يا ولينه اُوهذي تنادي الله يعوده للمدينه=اُوتزهر مرابعنا على جاري المعتاد سايلت عنّه وين راح ابن الشفيّه=قالوا مشى باهله يريد الغاضريّه كُلهم مضوا ولا بقتْ منهم بقيّه=شال ابحريمه واِخوته وجميع الولاد راح الذي هو تقصد الوفّاد جودَه=سافر ولادري إلى متى الله يعوده بدرٌ تُحجّب لو بطتْ عنّا اِسعوده=الله يعوده للمنازل نسل لمجاد إلى منزله شيخ العشيرة ليته اِيعود=لفراح تقبل والنّحس يتبدل اِسعود والله حسافَه اِمن المدينة طلع مطرود=ضاعت يبو السجّاد من بعدك الوفّاد