سمعوا صوايح في السما يهل المدينه=طلعوا وكُل يصفق اِشماله اِبيمينه شيّل اِظعونه اُوظلّت اِدياره خليّه=اُوجد السُّرى يبغي اِطفوف الغاضريّه نُوحي على اِفراقه يفاطم يا زكيّه=اُوقولي عسى الله اِيعود والينه علينا حنّت اُوناحتْ والدَّمع بالخدِّ سايل=من يوم شفتْ اَهلي يحثّون الرحايل ودّعت أبويه والحزن بالقلب شاعل=اُوناديت يا وفّاد كفوا لا تجونا لاحد يجينا في المدينة اُوجدّوا السير=روحوا اِطفوف الغاضريّة ابغير تفكير راح الذي يعطي العطايا والمداخير=إلاّ محمّد يصفق اِشماله اِبيمينه إلى من وصلتوا كربلا نَوخوا المطايا=راعي الكرم والجود فيها والعطايا شوفوا منازلهم بقتْ منهم خلايا=واخذوا رسالة حق أبو الكبرى الحزينه اُو قولوا ترى بيت الكرم مغلوق بابه=من يوم عنّه بوعلي قوّض اِركابه لاجت إله الوفّاد وقفت حول بابه=سمعوا صوايح فاطمة بنته الحزينه قالوا لها العبّاس خبرينا اِبداره=بانروح للعبّاس يعطينا اَخباره نادت اُودمع العين في خدها ايتجاره=شالوا هلي اُو عبّاس قدّام الظعينه