الكون أظلم من طلع من طيبة احسين=شال ابحريمه اُو عزوته من آل ياسين من عقب ما ودع الزهرا للحسن راح=يجذب الونّة اُو يصفق اِبراحٍ على راح ناداه تجلس يا عضيدي ابدمع سفّاح=اِجلس يبو محمّد ترى عنّك اِمشيلين تقعد اُودّع عزوتك ويا بنينك=واِحنا ينور العين كُلْنا اِمفارقينك اِجلس اُودّع جاسم المعرّس ضنينك=واُولاد عمّك واخوتك ويا النّساوين من قبر اَبو محمّد بدت ونّه قويّه=يحسين سفرتكُم ترى غصبن عليّه لابدّ ما باجيك وادي الغاضريّه=اُو الأملاك ويّانا مع كُل النبيِّين يا ليتني ويّاك حاضر يوم عاشور=يوم تقف يحسين بالميدان حاير واِنته بلا فادي ولا اِمحامي اُو ناصر=يا ليتني شلتْ العلم ويّاك يحسين اُونوى على الشيلة اُوسمعوا اَهل المدينه=والكُل أقبل يصفق اِشماله بيمينه اِينادون يا لوالي متى الأوبه علينه=خلّيتنا كُلنا على اِفراقك حزينين نادى عليهم موعدي عاشور محرّم=واِنكان منّي إلاّ العمر حان اُو تصرّم باتجيكم اِطيورٌ تحنْ واِملطّخة اِبدم=باتجيكم اِطيورٌ تنادي اِتصيح يحسين اُوجتّه الحزينة اُم سلمة تبكي اُوتنعه=واِتقول وا بدرٍ غرب ما ليه رجعه هاتف نعاكُم بالسما والكُل يسمعه=ذلّت بني هاشم اِبقتله والمسلمين اُوجاه ابن عبّاس الحزين اُو بالعجل قال=خلِّ الحرم في وطن جدّك ويّالطفال اُوسمع من وسط الخبا صيحة اُو زلزال=اِمخدّرة حيدر تحنْ اُوتهمل العين واِتقول منهو اِللي على خونا الولي شار=اِيسافر اُو يتركنا حيارى في هلديار والله ما فارق عزيزي ضحوة اِنهار=واِحنا معاهم وين ما هُم عاد ناوين اُوجات عمّاته اُمّ هاني واُمّ لقمان=واتصيح يا سبط النّبي يا شيخ عدنان خليت منا يا ولينا الكل حيران=نسمع هواتف بالسما يابن الميامين راح اُومشى فيهم اُونادى ابدمع مهتون=هالنوح ما يرضى الباري لا تنوحون ها لهاتف اللّي يا حزينة له سمعتون=ينعى على ابيوتٍ عقب فقدي خليّين