يا بدر آلِ المصطفى عجّل بالظهور=عجّل ترَ الدّنيا امتلتْ بالظلم والجور أهل الدناءة في العُلا بعد المذلّه=اُولسلام متنكّس به الظالم تولّى اُو عندك صوائل في مرابضها اتملاّ=مغمود سيفك في اَغماده صار مهجور طهّر أرضها من دما أهل الخيانهْ=واطلب ابثارك لا تباطا اُولا توانهْ عجّل يبو صالح ترَ الذل اعترانا=ما نرتجي يابنِ الحسن غيرك لنا ايثور أوّل مظالم جتنه من قوم العنيفهْ=باعدوا للي نصّبه للهادي خليفهْ اُو بنت المكارم جدّتك ذيك الشريفهْ=ويلي على ضلع البتولة اِباب مكسور وامّا ابن ملجم أفجعك في شهر لصيام=ابسيفه هدم اِمن المعالي دين لسلام في يوم موته نشِّرَت أعلامها الشام=في جدّك الكرّار يابن الحسن مأجور اِنهض اِبدولة ترهب الكُلْ مِن سمعها=واطلب اِبثار الكسّروا ظلماً ضلعها اُمّك ابصاير بابها الجاهل رصعْها=واَخفى قبرها بوالحسن ما بين لقبور خذ ثار سبط اللي قضى ابشربة من السُّم=واِحسين عنده اينوح اُو يبكي له ابدمع دم اُو زينب تنادي آه وا سوري تهدّم=يا صاحب الميمون بثارك عجّل وثور واظهر بجيشك في الملا يرعد رعيدهْ=خذ ثار سبط القطّعت كبده اِجعيدهْ اُوفي ثار مَن في كربلا حزّوا وريده=واَبقى ثلا ثتيّام فوق الترب منحور اِنهض ابجيشٍ أوله يرهب التالي=يابن الأيمّة والمكارم والمعالي وانصر الدين اللي بقي من غير والي=وانتوا اسمكم في الملا الشايع المشهور وانهض ابيومٍ للاعادي ناكرينهْ=في ثار ضلعٍ للبتولة كاسرينهْ اُوفي ثار شيبٍ في صلاته مخضّبينهْ=واَعظم امصيّبه اللي انذبح في شهر عاشور عجّل ولا تنسى غريب الغاضريّه=والجثث اللي رضّضتها الأعوجيّه والحرّة اللي دخلت المجلس هديّه=مجلس يزيد شرّاب لخمور