أصبح يحيدر لجلك المُختار مهموم=والأرض ترجف والسما تبكيك بادموم ما هو اُعجوبة لو بكى الكون اِبرجيفه=لكنْ اُعجوبة ابن الخنا طالك ابسيفه وانته الصميدع مالي الأكوان خيفه=ما مشرك إلاّ وامتلا من سيفك اهموم في بير ذات العلم لجل الجنِّ نازل=سوّيت فيهم يا علي ضجّة اُو زلازل وانته يبو الحسنين حلاّل المشاكل=وانته أمير النحل يا كرّار معلوم اُو جبريل نادى في السما اُوهلل اُو كبّر=ينعى اِمام اللي غدا في يوم خيبر بيده دحا للباب اُوذاك الجيش عبّر=جيشٌ على زنده عِبر في ذلك اليوم والجيش عابر يوم خيبر فوق زنده=وعمرو بن ودْ العامري بالسيف قدّه والْلي قتل نوفل اُويد وشمل جنده=واَرويت وديان الحرب من سيفك اِدموم حيدر الفضلك والفخر ماليه أقصى=واِنته الذي بيك النّبي خبّر اُووصّى أحمد الهادي بالغدير أعلن ابنصّه=عن الأله الواحد القهّار معلوم وانته الذي جبريل بسم اللهِ علّم=لولاك يا حيدر عليْ ما جا اِيتكلّم ويش الذي سوّى ابن ملجم ليّه سلّم=حتّى أهابك اُوصاب بيك الفرض والصُّوم ويش هالعجايب بِدت من نسل الملاعين=مدري أصابك في السما لو في الأراضين لو هُوْ صعد للعرش والكرسي البعيدين=حتّى على فقدك يحيدر هلّتْ اِدموم متعجبين أنّ ابن ملجم بحركُم خاض=واِنته البحر يا مرتضى الطامي الفيّاض اِنته إمام الخلق والقائم بلفراض=واِنته وليّ الشرع يا كرّار والصُّوم واِتزلزلتْ كوفانها من يوم صابوك=يومٌ على الأكتاف يا بو اِحسين جابوك والله عجايب كيف ما العدوان هابوك=واِنته مليت الدهر خيفة واَفرس القوم ينعاك موسى يا علي اُو عيسى بنُ مَريم=لك ناحتِ الكعبة اُو حِجرها اُوبير زمزم يومك على الزهرا يحيدر صاير أعظم=واَشوَمها ساعة عليها واعظمه يوم!