روابي كربلا بانت يا سجاد=دخبروا الحادي يا خذنا للجساد نزور أبن الزچية=وننصب له عزية يا دلالي من الفجعة الگلب ذاب أريد أوصل لعند الگبر ساعه=أنشده بعتب وآجدد أوداعه على فرگاه بس ما لي أستطاعه=مهو حسين الشعب گلبي وراعه وخلاني سبية=بطف الغادريه وماحد بالدواهي مثلي نصاب أريد أوصل لعند گبره وأحشمه=وكحّل عيني بترابه واشمه وعفر خدي لو أنجدل يمه=وطول الگبر أتمدد وضمه وأگله تعز عليه=أعوفك عالوطيه يا خويه مبضعينك فوگ لتراب يا خويه حسين ردينا بضعنا=بگيد اليسر والذلة رجعنا نساوين ويتامي اليوم عدنا=وطول الدرب وبروره بهضنا وياهي دروب هيه=على ظهور المطية ومن گطع الفيافي گلبي إرتاب يبو السجاد شوصف لك السفره=يهي مچيدة علينا وياهي گشرة نوايب والگلب يشتعل جمره=وطاري الشام ما أحتمل ذكره دهاني بكل رزية=ولا ظل جلد بيه وخلا الدمع بالخدين سچاب أنا شوصف لك الشام وعذابه=وگصر يزيد وأهوال الخرابه وشحچي عن عليلك وللي صابه=بگيد وجامعه ودمعه جوابه ترى غصبن عليه=يودونچ هديه أسف فوگ الهزل يا فخر لنجاب أهالي الشام والكوفه معيدين=ويگولوا جو سبايا الخارجيين وعلى ضيم وشماته ويني أوين=ولا ني معوده عالهظم يا حسين وأني حرمة وسبيه=غريبة وأجنبية أسيرة بلا حمي و بولية أجناب إجينا نجدد أحزانك يامظلوم=برايات السواد منشره اليوم نجر ذيل الأسى والگلب مألوم=ودوهنا السفر واعتلت لهموم جبت دمعي هدية=بسفرنا الغادرية يا خويه الجرح بعدك ما هنا وطاب