قصيدة عزائية في ذكرى إستشهاد أمير المؤمنين عليه السلام دم وحزن ودعناك=تبچي الدموع الفرگاك ليلة رهيبة=آه يالمصيبة نورك ما غاب .. والحاقد خاب=حيّر للباب .. صبرك يا لوالي چايد لمصاب .. غاير لصواب=والدين نصاب .. صوّب دلالي ياداحي الباب .. دمك سچاب=وسط المحراب .. دمك چتالي يا ليث الغاب .. غالك لرهاب=منك ماهاب .. گطع أوصالي مصيوبه بفگدك حيدر كل الأديان=الأنجيل ويا لتوراة ويا القرآن يا هي وحشة هالليله وظلمة الأكوان=عيسى وموسى والهادي دمهم غدران نادى المحراب المنبر هالموعد حان=طاح الوالي وهالطبرة هدت لركان وشهر الله يناشد تسبيحات الأيمان=بالمسجد ياهو بصوته يرفع لذآن سيفه مسموم .. عندي معلوم=حيدر مايگوم .. من هاي الطبرة راسه مصيوب .. هامه معصوب=هذا المكتوب .. يجري بالعترة نوح وعبرات .. دمع وجمرات=وتجري الحسرات .. زينب منكسرة صوابك يا حيدر هدّم ركن الإسلام=وانتصرت بيه الردة وگوم الأزلام غالوا بيك الدين وآيات الأحكام=شلت إيد اللي سلّت سيف الإجرام عرش الله اهتز وناحت كل الأملاك=تلطم بالحسرات وما درات لفلاك يا طود العز الشامخ واللي علاّك=چيف على الگاع بتهوي ياهو الغالاك ودارت لبوها تناشده=ودموع خدها مبدده جاوبني ياليث الحرب=لا تشمت إعلينا العدى ما أگدر أشوفك ياعلي=بالأرض جثة إمدده وشلون أعاين طبرتك=يا هي مصايب چايده الناس باچر في فرح=واحنا أبونا نوسده نلبس إجديد ونبتشر=ولا السواد إنجدده هل كيف ضمك هاللحد=يا حيف داناك الردى الله على جور الدهر=وللي جرى علينا وسدى لا قرت عيون الدعي=والشامتين الحاقدة ولا وصّل الله الخبر=للشام هي تتراوده الله يساعد شيعته=وهاي اليتامى الفاگدة يا علي كابدنا للآلام كثرة=ولجل هذا المعتقد نگبض الجمرة لو يگتلونا العدى سبعين مرة=أحلى عدنا من العسل عسره ومره لو يفت العظم هالحاقد ويذره=أبد ما يحصل مراده لو بذرة عهد ما نتخلى عن حبنا للعترة=هذى أكبر مرتبه وكل شي بسعره يا نور الهدى .. ويا مقتدى=ورغم العدى .. وكل ما حصل على نهجكم .. على خطكم=عقدنا الولاء .. يا خيرالعمل عذاب وشجن .. وحبك أجن=ويا با الحسن .. يظل للأزل وهالمعتقد .. يظل للأبد=وحبك بعد .. غرام وعسل تمت بعونه تعالى في كرزكان ذكرى إستشهاد أمير المؤمنين (ع) 2006/10/06 (الثالث عشر من شهر رمضان المبارك 1427)