(الفقرة الأولى) حالته إشگد چايده=وعلته هي زايده يصعد أنفاس جسمه نيران و جمر=خوفي دمه ينفجر غطوا الراس يا خوتي نادوا الطبيب=بلچت يداويه ويطيب آه يا عباس خل يجينا بالعجل = أظن هو حان الأجل عندي احساس الضربة شگت هامته=وصلت العين والله صعبه حالته=راسه نصين الدين طاحت رايته=وراح لمعين حالته إشگد چايده=وعلته هي زايده يصعد أنفاس ونطبر في طاعته=ويتم الدين واليتامى حاطته=نوح وونين يالشهيد بسجدته=آه يابو حسين بويه جاوب ليتام=فتّح ليها عيونك مد ايدك واحضنهم=كلهم ينتظرونك وامسح دمعٍ سجام=من زهرات غصونك وحشة وسودة الأيام=يا بويه من دونك جارت لذناب=يا داحي الباب خففوا عنه الكلام=لا تزعجون الإمام لا تكثرون النحيب=يا خوتي تركوا الملام والأبو مفارگ گريب=والدعي نال المرام والأجل حان وگرب=ما يتم باگي الصيام ماكو عيد ولا فرح=حزن ونياح وظلام أحقاد الگوم=بانت هاليوم نظروا حال الأملاك=ودموعٍ إل تتحدر خسف وكسف وأهوال=شوفوا الكون تغير وجبريل بعالي الصوت=صاح الله وأكبر مات اليوم الكرار=سور الدين تكوّر ياعين إلما تبچيه=يا گلب إلما ينطر نادى جبريل ونعى=إنهدم ركن العلي ما كو سيف إلا الفقار=و لا فتى الا علي والسراط المستقيم=و هذا للأمة ولي وانهدم ركن الهدى=ياسماوات اهطلي ياأرض بالخلق موجي=ويا جبال اتزلزلي غيرة الله اغضبي=بالعذابات أنزلي غابت لنوار=بعد الكرار يا شيعة راح واليكم=طاح العمد خر السور بعده الگوم تلفيكم=بشروا بالهضم والجور سراج اللي يضي ليكم=ترى منه انطفى هالنور وسيف اللي يداريكم=عن العدوان ظل مكسور والله ماهي عادته=يبطي عنا بجيته ويلزم الدار هذي أنوار الصبح=للعوالم تتضح والوكت صار مدري شصار وسدى=والصلاة اتناشده آه ياكرار ننتظر صوت الأذان=وكته يابو اليمه حان يا حما الجار ما إجا يصلي الفرض=وشهي لعلوم مدري هو عاگه مرض=لو هو محموم چيف ما فز ونهض=لو خذه النوم والله ماهي عادته=يبطي عنا بجيته ويلزم الدار لو ترى صابه الدعي=وسيفه مسموم غاله بوكت السحر=وسالت ادموم والحقد بان وظهر=كله هاليوم رد بحسرة المحراب=وافاده خر وذاب ما يرجع داحي الباب=حيدر ودعنا وغاب شگو راسه نصين=وتجندل ليث الغاب هالضربه الميشومة=ويلي وصلت لعصاب ما يتعالج لصواب=آه يا فجعة لمصاب بعد الكرار=وحان محتوم الگضى والأمانه تسلمت=عنكم الوالي مضى لا طبيب ولا دوى=ولا حبيب يمرضه سافر وخلى الحزن=وهذي عينه مغمضه بعد الكرار=وحشه هالدار الكون أظلم هاليوم=صاير في زلزاله ومسجى شهر الصوم=يبچي طاح إگباله محرابك صب ادموم=وعيونه هماله وكل العالم مهموم=مفجوع وينعى له وكل لنجوم اختفت=خرت بحسره وهوت والدمع دم اهملت=بالصوايح ولولت ياوالينا= من يسلينا يابو اليمه ياحامي الجار=عليك الدمعة محزونه وگلب الشيعة جمر ونار=لجل فرگاك مغبونه وأملاك السما تنعى=يا حيدر لا تصد عنا تون بحالةٍ شنعه=عزية وصيحة ورنه وتهدم سور الإسلام=وتشفّت بينا الأزلام أعياد وفرحة وأعلام=منصوبة ترفرف بالشام مشمتة اليوم الظلاّم=وعدها من أبرك ليام 2006/10/14