يمك الليله انجمعنه=نشرح الحاله ابدمعنه شفنه بالدنيه العجايب=لوردت شرح المصايب نشرح الحاله ابدمعنه يالرضا الباري=ما نحك أسرار عاشر العصمه=وثامن الأطهار بيك آمننه=ياغريب الدار ابشيمتك تدرك=حالة المحتار والدهر تعرف صفاته=اعلينه صبت نايباته غربه وهموم ونوايب=لو ردت شرح المصايب نشرح الحاله ابدمعنه وانت يالمذخور=سند للكلفات جينه يم گبرك=نجذب الحسرات ابحزنك انواسيك=ونسچب العبرات ولو گلت نگدر=عالصبر هيهات بالمدامع جينه يمك=وامتزج همنه اويه همك چم گلب بالمحنه ذايب=لو ردت شرح المصايب نشرح الحاله ابدمعنه المحن من يومك=تستمر لليوم المن انعاتب=وشيفيد اللوم بالدهر تدري=چم وچم مظلوم نشرح الحاله=من گلب مهموم هذي دنيانه عجيبه=منها نحمل چم مصيبه وچم بدر عن عيني غايب=لو ردت شرح المصايب نشرح الحاله ابدمعنه من البعد جينه=انقبّل اعتابك كل مصايبنه=فرع لمصابك تسعر بگلبك=جمرة اصوابك ابلوعة الكاظم=هالدهر صابك من ألم گلبك ألمنه=والهظم حالك هظمنه نسكت والمن نعاتب=لو ردت شرح المصايب نشرح الحاله ابدمعنه يا شبل موسى=هالدهر عاداك جارت اسنينه=وما رحم وياك ابوالدك هاليوم=يا خبر وافاك واحنه بالاحزان=والدمع جيناك نشارك بدمعة صبرنه=وما رحم بينه دهرنه بالحزن يبن الأطايب=لو ردت شرح المصايب نشرح الحاله ابدمعنه اگضينه دنيانه=بالصبر والنوح اشما تمر لوعه=لو مصيبه تلوح نذكر امصيبة=جدك المذبوح يا گلب يصبر=واشيصبر الروح جدك الگطعوا وريده=امصابه بالمدمع نعيده جسمه طايح بالحرايب=لو ردت شرح المصايب نشرح الحاله ابدمعنه ابجدك المظلوم=خانت ايامه بكل گلب ظلت=لوعة آلامه من عگب چتله=سلبوا ايتامه وعالخيم هجموا=وحرگوا خيامه وعمتك زينب تحشمه=تنادي وينك يبو اليمه خويه عن حال الغرايب=لو ردت شرح المصايب نشرح الحاله ابدمعنه (لندن 1995م)