خطاب العقيله زينب لاخيها العباس (عليه السلام)
ابوذيات
الگلب بالعزم صبرته ومنته
وفرشته اعله الترب يمك ومنته
منته الكافل ظعوني ومنته
الجبتني وياك ليش اگطعت بيه
اهمومي هموم فوگ الگلب منتل
وسبّاح الدليل إعليك منتل
گوم ارجعنه يا عباس منتل
جبتنه وياك لرض الغاضريه
الدهر شتت شملنه بالظعينه
ودليلي سيوف اميه بالظعينه
وسافه الشمر يحدي بالضعينه
وابو فاضل على الغبره رميه
يعباس استمع عتب ولا ماي
غريبه وزادت ابفگدك ولا ماي
مهجنه بالعطش تلهب ولا ماي
يخمد جمر لوعتنه السريه