زيــنــب وصّـــت الـعـيـله         لا تــدخـل مـــره عـلـيـنه
الّـــــه فــاجــده وثــكـلـه         لــــو بــالـهـم تـواسـيـنـه

مـن طـوح الـحادي وسـار         لــلــكــوفــه وتــعــنــاهـا
مــاخــذ حــــرم مـسـبـيه         ويـسـيـره ابــفگد ولـيـاها
تـــحــن وتــنـتـحـب لاچن         يـفـسـر الـصـخر مـبچاهـا
ابـحـرم وايـتـام مچتـوفـه         وعـلـيل ادمـوعه مـذروفه
وحـبـل الـيـسر مـتـواصل         بـــيــن الـعـايـلـه وبــيـنـه

الـفـواطم وصـلـن ولـنهن         ابــدار الـهظم مـجموعات
وزيــنـب وصّـــت الـخـدّر         ابـصوت الـحزن والعبرات
لا تــدخـل مـــره عـلـيـنه         واحـنـه ابـديـرة الـشمّات
لـن حرمه اوگفت عالباب         نــادتــهـا ابــدمــع سچاب
هــاذي يـاهـي هـالـوگفت         عـلـى الـبـاب وتـصد لـينه

نــادتــهـا الــمــره ولاچن         جـفـنـها يـهـمـل دمــوعـه
يـــا زيــنـب يـبـعد اهـلـي         مــثـلچن آنـــه مـفـجوعه
آنـــه الـضـيّـفت مـسـلـم         آنـــه او صـيـفـتچ طـوعـه
اذكرت مسلم وحيلي نهار         اسمعت طفله اله ابهالدار
اجــيـت انــظـر هـالـيتيمه         ودلـيـلـي ايـخـفف ونـيـنه

وزيـنـب جـاوبـت طـوعـه         يـطـوعـه طـلـبـتچ سـهـله
لــونّــج يـــا بــعـد بـيـتـي         تـنـشديني اعـله هـالطفله
حــمـيـده هـــاذي ويــاهـا         اجـــت لـلـمـدمع اتـهـمله
اشـتـريد اتـعـنت الـحرمه         لـمـسـلم تـلـهـج ابـأسـمه
انچان اتـعرفه خـل انـشد         واشــوفـن والــدي ويـنـه

حـميده اوگفـت يم طوعه         شگول اشوگفت ابيا حال
حــال الـطفله مـن تـفگد         ابــوهـا وتگطـــع الامــال
تگلـها احچيـلي يـا طـوعه         اعـله ابـويه والـدمع همّال
اجـيـت ارد انـشـدچ عـنـه         خـبـر مــا مـش بـعد مـنه
تـضـعضع وانـهـدم حـيـلي         يـطـوعـه ابـــفگد والـيـنه

خـبر عـن مـسلم احچيـلچ         واخـبرچ مـن دمـع عـيناي
لــفـانـي والـــدچ لـلـبـيت         مـنـي يـريـد شـربـة مـاي
وظـل واجـف ابـاب الـدار         مـذهـول وشـريـد الــراي
يـتـلـفـت يــســار يـمـيـن         مــحـتـار ويــديـر الـعـيـن
بـطـل حـيلي عـليه وچان         يـجـري الـدمـع مـن عـينه

نـاديـتـه شــربـت الـمـاي         شـنـهـي وگفـتـك بـالـباب
تــديــر ابـعـيـنـك وچنـــك         غـريـب ابـديـرة الأجـنـاب
ولــمـن ســمـع الـمـناشد         نـدهـنـي والـدمـع سچّاب
عــلـيـه جـــارت الـــوادم         جـفـتني وتـبـعت الـظـالم
خــانـت بـيـعتني ودهــري         عــلــى ســـدد نـيـاشـينه

گتــلـه يــا حـلـيف الــزود         هــالــدار اصـبـحـت دارك
انــتـه صــاحـب لـهـالـدار         واحــنـه نـصـيـر خـطّـارك
چانـــت مـظـلـمه وسّــاع         تــزهـي وتــشـع بـنـوارك
لـون چلـمه اظـهرت مني         تــرانـي الــدهـر دوهـنّـي
والـيـشحذ عـليك الـسيف         ريـــت انـشـلـت ايـمـيـنه

الـشهم آمـن دخـل لـلدار         لاچن شــافـتـه الانــظــار
وعــاجـل لـعـد گوم زيــاد         الــهـم وصــلـت الاخــبـار
واتـعـنـت رجـــال وخـيـل         تـعدي ودارت اعـله الـدار
جـيـش امـجردين سـيوف         مــا مـسّه جـزع لا خـوف
صـاحـوا ويــن رايــد ويـن         وامــــرك صـــار بـيـديـنه

طـلـع لـلـجيش يــا حـيّـاه         طـلـعـت حــيـدر الــكـرار
طــواهــا وذل عـجـيـدتـها         ونـشـبـها الــويـل بـالـبتار
لاچن يـــا وســـف تــالـي         تــولـوه ابـنـبـل واشــفـار
امــيـسـر لــلگصــر ودّوه         ومـن اعـلى الگصـر ذبـوه
تهشّم جسمه واعله الگاع         مــــن الگصــــر رامـيـنـه

هــذا يــا حـمـيده الـصـار         ابـعـودچ يــا بـعـد عــودي
هـالـنـوبه يـــروح الــروح         جـــودي بـالـدمـع جــودي
اريــــد اتگابـــل ويـــاچن         وهـل دمـعي على خدودي
عـلـيـك الـحـيـل مـتـهـدم         وهـالـعـالم صـبـح مـظـلم
نـدور الـصبر من يا صوب         مـــــا واحـــــد يــدلـيـنـه