احـلـفـت غـالـب مــا تــرد لـديـارها         انچان مـــا تــاخـذ وتـوفـي ابـثـارها

اطـلعت غـالب واعـزمت تگطع البر         وتـمشي ويـه الوحش لو لاح السفر
اهـتفوا مـسلم عـيب لـو ثـاره اندثر         واحــنـه لـسـيـوف الـمـلاحم نـارهـا

اتـحوم عـالحومه شـبه حـوم الگطه         لــو عـلـيها الـصگر بـالظلمه سـطه
لچن هــاشـم عـالـحـرب مـتـسلطه         والـمـنـايـه مـــا تــهـاب اخـطـارهـا

صاحوا النه گلوب امضه من الصخر         ورمــح عـزنـه ثـابـت ابگلـب الـدهر
الــثـار مـــا يـحـتاجله عــام وشـهـر         الــثــار اهــلــه تــاخــذه بـنـهـارهـا

وعگب مـسـلم عـيـب نـتسمه زلـم         انچان مـــا نــاخـذ الـمـيدان ابـعـزم
الـجسم عگب الروح شيفيد الجسم         ولا تــفـيـد الـعـيـن عگب انـظـارهـا

عـيون احـنه ومـسلم انـظار العيون         واهوه روح جسومنه انفارگه اشلون
الـروح صـعبه ويـه الجسد يتفارگون         ومـسـلـم لــروح الـغـلب اعـمـارها

بــيـن مــا يـتـباصرون اعـلـه الأمــر         طـلـع مــن بـين الـزلم لـيث ايـهدر
صــاح أنــه الـعـباس ولـهـاشم بـدر         وسـيـفـي يـبـنـي لـلـمـلاحم دارهــا

عگب مـسلم عـيب تـاخذنه الـدهور         انچان مـا نـاخذ مـهجها مـن الصدور
سـيوف همتنه اتخطف شبه النسور         وفــوگ هـامـات الـخـصم اوكـارهـا

بـيـن مــا يـتـخطه لــن مـبـدر طـلع         صــاح يــا عــم ارجــع وعـمّه رجـع
آنــه الأكـبـر صـوتـي لـلموت انـدلع         اشــلـون بـالـذلـه الـحـياة اخـتـارها

وابـو الـيمه شـاخص عيونه ويشوف         چفوف اخوته لزمت رگاب السيوف
الـصبر صـاح الـصبر يـرباب الحتوف         الــصـبـر اهـــوه لـلـزلـم مـعـيـارها

لچن يـهلي الـصبر عـالذل مـا يهون         والـمـنون الـيـوم يــا مـحله الـمنون
عگب مـسـلمنه فــلا تـغـفه الـعيون         الــثـار يــهـل الــثـار مــن فـجّـارها

حـسين حـشمهم ولـلموت اسـرعوا         واصــلـوا بـالـسـير بـالـبـر اگطـعـوا
بـالـعـزم والـــزود والــعـز اگبــعـوا         اشـهروا سـمر القنه وبيض اشفارها

اوصـلـت غـالب كـربله وزمّـت لـوه         وهــرش چبـد الـموت بـيديها الـتوه
اطـلـعت ويـه الـزود لـلحومه سـوه         ورفـعـت ابــروس الـسمر شـنيارها