الله يـــا دم بـالـطـفوف انـسـفـك         مـا جـره الـه او وگف مجره الفلك

يـا دم سـفح نهره اعله سفح الثره         وعـطّـل مــدار الـفـلك لـمن جـره
ويــا خـيل هـجمت عـالخيم غـايره         ويــا خـدر مـن آل الـرسول انـهتك

عــفّـة الــخـدّر لـلـخـدر عــوضـت         وعـالـعهد ربّــات الـخـدر حـافظت
ابـحامية ديـن الله الـحميه انهضت         مـن شـافت الإسـلام نـهجه انترك

انفجرت الامه وصفت مضرب مثل         والـجـاهليه رجـعـت اعـلـه الـجهل
تـسـجد وتـركـع لـعـد عــزه وهـبل         ويـحـكمها ظـالـم بـالرذيله انـهمك

اشـلون الرجال الهم عيون اتغمض         ويـزيـد يـحـكمهم ابـهـتك الـعـرض
وانچان لـلـتـوحـيد گالـــه ابـلـفـظ         سـيفه ابـسوى التوحيد ابد ما فتك

وديــن الـنبي سـهام الـعلل صـابته         لـغـير أبــو الـيمه مـا شـكه حـالته
شـايـف عـلـيل ومــا بــرت عـلـته         الـــه إذا شـــاف الـمـداوي هـلـك

حـسين المداوي وبذل بالطف جهد         مـرهـم صـبـح لـلدين دمـه وضـمد
قـــدّم الـغـالـي وضـحـه لـلـمعتقد         ابـنفسه واصحابه واخوته وما ملك

گبـــل الـشـهاده الـحـال نـتـصوره         ادعـــه الــمـلازم والـزلـم حـايـره
شـــب ابـذبـال الـسـيف هـالـنايره         والــلـي وردهـــا ورد اسـفـل درك

مـن بـدت صـولة شـبل فارس بدر         ابـعـين الـعده ابـدت نـجوم الـظهر
عـالجيش ظـل يـحوم شـبه الصگر         مــا تـلـم عـزمه لا شـبچ لا شـرك

اشـما يـنرفع لـلگوم سـيف ونصل         ابـوجـهـه الـطـلاقه تـكـثر ويـبـتهل
مـوقف أبـو الـسجاد بـالطف مـثل         مـوقف الـزهره بيوم غصب الفدك

اتـرجـل وحـيد گبـال جـيش الـعده         ابــوحـدتـه الـوحـدانـيه مـتـجـسده
جـوهر الـعصمه گبـال فـحم الرده         يــا وسـفـه يـنـجمعون بـالـمعترك

ابـفـن الـفـروسيه حـلـيف الـضمه         مـا شـبهه فـارس حصل بالملحمه
وتـشـهد ابـمـحرابه نـجـوم الـسمه         مـــا عـبـد مـثـله عـابـد ولا نـسـك

ابگطب الرمح دارت رحه المعركه         وطـاحت الـكوفه وجـيشها ابتهلكه
عــيـون الـنـهار ابـصـارمه حـالـكه         وابـنـور وجـهـه انـزال ذاك الـحلك

وجه ابظلام الحرب شمس الضحه         ودارت عـلـيه الـجـيش دور الـرحه
ابـكـل بـيـت بـالـكوفه تـرك نـايحه         لاچن ثـلـث تـيـام جـسـمه انـتـرك