زيــنـب بـالـمـعاره اتـصـيـح         مــا ظــل مــن ولـي عـندي
غـريـبـهـودمـعـة عــيــونــي         تــسـيـل وتــحـفـر ابــخـدي

وگفــت عـلـى الـتل اتـصيح         يـبـن امــي الگلــب مـالـوم
روحــي اتـحـوم يــا مـظلوم         ودمــوعـي تـسـيـل دمـــوم
هــــاي الگوم اجـتـنـه الگوم         مـــــا واحــــد يــــرد الگوم
يـسـبـع الـخـيـل رد الـخـيـل         هـالـخـيل اوصــلـت حـــدي

الـخـيـل اوصــلـت لـخـيامك         وگلــبـي يـــا شـهـم نــاداك
اجــيـت انــخـاك واتــرجـاك         لـتـخـلـيـني بــيــن عــــداك
الـموت الـموت اريـد الموت         ولا احــمـل هـظـم فــرگاك
الــدنــيـه وكــربــلـه والگوم         هــالـيـوم اصـبـحـوا ضـــدي

ضـــدي صــاروا ويــا ريــت         خــذوا عـمري گبـل عـمرك
وريـت الـلي سـحگ صـدرك         سـحگ صـدري گبـل صدرك
وريــت الـلـي گطــع نـحرك         گطــع نـحـري گبــل نـحرك
وســهـم الـصـابـك ابچبــدك         يــريـتـه صــابـنـي ابچبـــدي

يــريـتـه صــابـنـي ابچبـــدي         ســهـم الـصـوبـك يـحـسين
ويـــن انــتـه يـبـعـد اهــلـي         دلـيـني اعـلـه جـسمك ويـن
سـهـم الـبـين صــاب الـعين         ولا انـــدل طـريـجـي مـنـين
شــوفـي راح حـيـلي طــاح         وجــــروح الگلــــب تــــدي

تـــــدي جـــــروح دلالـــــي         ابـــفگدك فــاجـده الـغـالـي
انسلب خدري وخلص صبري         واظـن تدري اشجره ابحالي
اخـوتي اعـله الـترب صرعه         ولا والـــي اعــلـى اعـيـالي
وعـــيـــالــك واطـــفــالــك         تــنــوح وتــنـحـب ابــسـدي

تــنــوح وتــنـحـب عــيـالـك         ودمــعـي ســال عـالاطـفال
الـحـرم هـاي الـحرم صـعبه         الـحرم مـن تـبگه بـين انذال
لا ولــــيـــان لا صــــيـــوان         حـالـي حــال اصـعـب حـال
مـــا بــيـن الـسـلب والـنـار         ادافــــع وابــــذل ابـجـهـدي

ابـذلـت جـهـدي اجـر طـفله         اضـيـع طـفـله بـيـن اشــرار
فـكري احـتار مـدري شصار         صـحت وين ابن حامي الجار
هـــاي الـنـار وســط الــدار         گوم اخــمـد لـهـيـب الــنـار
الـــــدار ابــنــار حــرگوهــا         واجــتـنـه خـيـولـهم تــعـدي

الـعـسـكر غـــارت وزيــنـب         اجــــت تـشـكـي مـصـايـبها
تـصـيح ابـصوت هـاي اخـتك         تــخــاطـب گوم خــاطـبـهـا
اشـما صـاحت اشـما نـاحت         بــــس الــصــده ايـجـاوبـهـا
يگلــهــا راح أبـــو الـسـجـاد         ردي لـــــلـــــحـــــرم ردي

عگب مــــا ايــســت مــنـه         اعـتـنـت لـلگطـعوا چفـوفـه
صـاحـت صــوت يــا عـباس         هــــاي الــحــرم مچتــوفـه
تــرضــه شـيـمـتـك تــرضـه         تـــــروح ابــيــسـر لــلـوفـه
انچان اسـتـصعبت شـكـواي         اروح واشــكـي يـــم جــدي