مــن طـلـع ظـعـن الـهواشم طـفله عـافوا بـالمدينه
تـصـرخ ابـصـوت الـنـوايب ويـن ابـويه حـسين ويـنه
رفـــرف جــنـاح الـمـنـيه وعــرّجـت عـيـلة الـهـادي
ســارت ابـظـعن الـشـهاده وبـالظعن طـوّح الـحادي
عـافـوا الـطـفله الـعـليله وعـالـظعن ظـلـت تـنـادي
ويـــن رايـــد بـالـمـحامل ويــن يــا حــدي الـظـعينه
فـاطـمه الـطـفله الـعـليله بـالـمرض ذايـب جـسمها
وطــلـع ظـعـن الاهــل عـنـها لـكـربله وازداد هـمـها
ظــلـت الـطـفـله وحـيـده لا ولــي ولا اخــوه يـمـها
والگلـــب تـسـتـعر نـــاره وذايـــب ابـجـمرة ونـيـنه
حــيـن ســار الـظـعن عـنـها فگدت الـطـفله امـلـها
تــنـظـر ديــــار الــنـبـوه خــالـيـه وهــاجـت عـلـلـها
اتـحـوم بـاطـراف الـمـدينه ومــا تـلـمها ديــار اهـلها
غــابـت ابـــدور الـسـعاده وظـلـت الـطـفله حـزيـنه
اشلون صيحه الطفله صاحت وين ابويه اليجلي همي
ويــن الاكـبـر ويــن جـاسم ويـن صـار الگمـر عـمي
لـيـش عـافـوني وحـيـده لـيش مـا ظـل والـي يـمي
خـيـمـت ســـود الـلـيـالي والــدهـر جــارت سـنـينه
حــايـره ابـولـيـه زمــانـي والگلـــب بـالـهـم تـفـطر
ويــن ابـويـه الگال عــمچ واخــوتچ بـالـشده تـحـظر
لا گمـــر هـاشـم لـفـاني ولا وصـلـني عـلـي الأكـبـر
والـلـذي مـوعود تـبگه اعـله الـدرب مـشبوحه عـينه
انگطـعـت آمـالي ابـسفركم يـا هـلي وانـفجع گلـبي
طــال مـوعـدكم وعـيني ظـلت اعـله الـدرب تـربي
ولـو ردت انـشد واعـاتب مـن يـجاوبني اعـله عـتبي
بـالـمدينه عـفـتوا جـسـمي وروحــي ويـاكـم رهـيـنه
يـا هـلي ابـمسره الـهوادج روحي ويه الظعن سارت
وعـلى فـراش الـمرض جسمي والمنيه عليه شارت
والـمـصـيبه اسـتـوحدتني والـمـحن والـدنـيه جــارت
والچبــد بـالـلوعه ذايــب مــن اثــره جـمـره حـنـينه
حگهـــا مـــا تــدري ابـوهـا اتــوذر وذبـحـوا انـصـاره
ولا درت جــثــه الاكــبــر عــاتـرب دمــهـا ايـتـجـاره
ولا درت جـسـام طـفّـوا شـمـعته ابـوسـط الـمعاره
ولا درت بـــدر الـهـواشم گطـعـوا ايـسـاره ويـمـينه
الامــل كــل الامــل عـدهـا بـالظعينه حـسين يـرجع
تـــدري حـــي والـيـها لاچن طــود هـمـتها تـضـعضع
اشـلـون لــو تـسـمع شـمـلها ابـديـرة الـغـربه تـوزع
اشـلـون لــو شـافـت ابـوهـا بـالـسيوف امگطـعـينه
طـــــــــــــــــــــــهــــــــــــــــــــــران / 1985 م