مـصيبتكم يـشبل الحسن ياليت         وعلى جدك خيول الگوم ياليت
ردتــك حـاضـر بـكـربلا يـالـيت         وتـنـظر عـمّـتك بـيـن آل امـيه
الـدهـر بـالگلب لـسهامه عـيّنها         وچبـدتي مصاب أبو اليمه عيّنها
الـسـميّه بـدارها الـعامر عـينها         وزيـنـب بـالـيسر راحـت سـبيه
أدمــن لـلگلب يـحسين يـرحين         وبـس الهن دموع العين يرحين
خـواتك لـليسر عـالهزل يرحين         ويـعـوفـن جـثـتـك بـالـغـاضريه
مــرت عـالعقيله ايـام شـامات         يسيره وشاهدتها عيون شامات
تنسه الكوفه لو محنة الشامات         لــو تـنـسه ضـحـايه الـغـاضريه
انـسلب عگلي يهالغايب ونبهاي         أهـي غـيبه ويـمته تفض ونبهاي
يگولــون الـصبر طـيّب ونـبهاي         أگول الـصبر مـن طـعم الـمنيه