جــسـام لـــوّح ظــهـر ام الـعـله         وبـصـارمه انـشـالت أرض كـربله

جـاسـم لـنـيران الـحـرب شـابّـها         روس الاعــادي بـصـارمه شـابّـها
والــجـده حــيـدر بـالـوغه شـابّـها         لـتـاريـخ جـــده بـالـهـمم سـجّـله

بچفــه حـسـام الـمـعتقد سـالـمه         وعـين امـه نـامت بـالخدر سالمه
مـن صـولته جـفن الحرب سالمه         ومـن حـملته گلـوب العده موجله

مـرهـف يـقـينه مـن رهـيفه أحـد         گطّــاع مــا يـوصـل لـحـده أحــد
سـاحة الـطف سـواها غـزوة أحد         بـرمـحه وبـسـيفه لـلحرب عـادله

من كل وصف جسام اسمه وأجل         لــمــن بـــرز ويّـــاه لاح الاجـــل
صـاحـت امـيه ريـت جـاسم أجـل         حـمـلـته وريــت لـمـهره مـتـخيّله

صـاحـت امـيـه وصـوت الـها دوه         شـبـل الـحسن سـلها وتـدوّر دوه
وجمر الغضه بوسط الحرايب دوه         مـن حـيث جـاسم بالرمح شاعله

گلب الحرب من جمر سيفه يصل         مـحّـد گدر يــم ابــن حـيدر يـصل
نـادتـه رمـلـه مـن الـمخيّم يـصل         يـا سـام سـيفك خـل يـذب هلهله

جـاوبها يـا رمـله الوكت حان الي         أدريچ گلــبچ بـالـحزن حــان إلـي
معرس وردت بهالعرس حان الي         وحـنتي صـارت مـن دمه المرجله
بـالـصـبر لـمـتـون الـنـوايب أرض         أتـمـنه دمـي يـسيل فـوگ الأرض
بـس كـون يـا رمـله لـدليلچ أرض         والــولـد بـالـحـومه يـمـثّـل هـلـه
مــثّـل أجـــداده ومـخـتلف عـنّـها         وگلـــوب امــيـه حــسّـت بـعـنّـها
والـخـيـل گامـــت تـعـثـر بـعـنّـها         واطـرافـها بـمـوج الـدمه مـحجّله