عـيوني تـجري ومـا تـجف دمـوعها         نــبـع مــن طـبـرة عـلـي يـنـبوعها

عـيوني تـجري وانـفگد مـنها النظر         واسـمعت ون الحمام اعلى الشجر
ونّــــت بــألـحـان وانــغـام الــوتـر         وبـالـنـحب گامــت تـفـسّر روعـهـا

تـرگص اعلى الغصن والمدمع يسح         مــثـل رگص الـطـير لـمّـن يـنـذبح
وآنــه يــم الـشـجر گلـبـي مـنجرح         وروحــــي آلام الــزمــان تـلـوعـها

واگعــدت مـتنومس ابـفي الـغصن         اسـتـمـع ونّ الـحـمامه مــن تــون
عــاشگ الـنـوح ويـسـليني الـحزن         ودارس الــونّـه ونـغـمـها ونـوعـهـا

اسمعت ونها وناشدت عن الاسباب         جـاوبت مـا صـاب گلـبك هالمصاب
گلـب مـا ادري وردت مـنچ جـواب         گالــت انـشـد هـالـبشر وجـمـوعها

مــن عـفـتها صـادفِـت ام الـفصيل         نـاشـدِتها لـيـا سـبب دمـعچ يـسيل
گالـت الـلّيله انـفگد حـامي الدخيل         والــجـواب عـرفـته مــن فـزوعـها

روحـي هـامت نـاحره جناح الظلام         بـالـمصيبه الـلـيله مـاخـذها الـهيام
مـهرعه وتـنشد عـلى حـال الإمـام         لـمـسجد الـكـوفه اعـتنت بـهروعها

گبــل لا اوصـل وعـيني اتـهل دمـه         اسـمـعت جـبـرائيل يـهتف بـالسمه
طـــاح بـالـمحراب حـمـاي الـحـمه         والـعـقـيده انـصـرعـت ابـصـروعها

ابـطـحيته اتـهـدمت اركـان الـشرع         ومـنـهـج الـديـن ابـمـصابه مـنـفجع
والـعـقـيده امـسـت اتـهـل الـدمـع         عـــالاصــول الـثـابـتـه وفــروعـهـا

والـصلاة تـنحب عـلى داحـي الباب         ونـزلـت الامــلاك تـعـلن بـالمصاب
بـهالمصيبه انـفجعت آيـات الـكتاب         واحــنـت عـلـيّـه الـنـبـوه ظـلـوعها

مــبــدأ الاســـلام يـعـلـن بـالـثـبور         وانـخمد نـور الـزهه بـجانب الـطور
دمـعـة الـتـورات سـالـت عـالـزبور         والـكـنايس خــل تـطـفّي شـموعها

راح ســـر الـيـعـلم ابـكـل الاديــان         ولـبست الـكعبه عليه ثوب الاحزان
زمــزم دمـوعـه تـسـيل بـلا هـوان         والـحـجر الاســود صـبح مـفجوعها

عـالارض عـين الـسمه نـثّت دمـوم         والـفـلك مـفـجوع وايـعزّي الـنجوم
والگمــر بـغياب أبـو الـحمله يـحوم         والـشـمس غـابـت ابـبرج طـلوعها

مـحنة الـيوم اشـد مـن كـل المحن         هـالارض أشـرف جـسم بيها اندفن
خـل يگوم حـسين وايـعزي الحسن         والاعـــادي خـــل تـــذب دروعــهـا

غــاب عـنها الچان يـسگيها الـمماة         رفـرف اعـلى الكوفه جنح النايبات
عگب حـامي الجار ما تسوه الحياة         خـلـهـا تــبـدي لـلـفـناء خـضـوعـها

مـظلمة الـدنيه عگب حـامي الـجار         الـثـار يـهـل الـثـار مـن يـاخذ الـثار
بـعـد مــا نـعرف الـليل مـن الـنهار         وجــفّـت ريــاض الـعـمر وربـوعـها