يـــا أمـــل عـمـري وربـيـع أيـامـي         جـــروح جـسـمـك هـيّـجت آلامــي

يـــا ربـيـع أيـامـي يــا ريــع الچبــد         اشـلون ضمّه الجسمك تراب اللحد
نـعـش كــل عـريـس يـنحطله ورد         ومــا يـظـل جـسمه رهـين ودامـي

ليش ظل جسمك رميه اعله الترب         لـــون اتـمـكـن اوســـدك بـالگلـب
امـك آنـه اشـلون مـا أحـمل غـرب         وشـفـت جـسمك مـنصرع جـدّامي

ابـعـيني شـاهدتك يـجاسم مـنصرع         واعــلگت شـمعتك مـن نـار الـدمع
واصـبرت من شفت نحرك منگطع         ردت مـــن دمـــك أشــد وسـامـي

چنــت اتـامـل ابـسـاعات الـعـرس         وأفــرح ابـزفـتك واتـطيب الـنفس
مــا چنــت أدري بـالـحاله تـنعكس         وأنـظـرك مـنچتـل بـالطف ضـامي

اعـلگت شمعة عرسك ابنار الضمه         والــلــي خــلانـي أظـــل مـتـألـمه
مــا شـفـت عـريـس يـتحنه ابـدمه         وحـوفـتـه امـوجـره ابـنـار خـيـامي

ويــه نــار الـخـيم راحــت حـوفتك         وابـوسـط دلالــي عــلگوا شـمعتك
چنــــت أتــحـلـم أشــاهـد زفــتـك         وسـاحـة الـطـف خـيـبت أحـلامـي

خـابت أحـلامي يـجاسم بـالطفوف         شفت حنه عرسك خضاب الچفوف
والـشـموع ابـدالها رمـاح وسـيوف         وعگبــك سـهـام الـمصيبه اتـرامي

مـضّـت سـهـام الـشـماته بـالـدليل         عگب چتـلك يـبني مـا ظل بيه حيل
وعـالخيم مـن أگبـلت غـارة الـخيل         مـــا حـصـل نـغّـار عـنـها ايـحـامي

يـبـني لـو مـا نـحرك اتـفايض ابـدم         الـخيل مـا چان اوصـلت حـد الخيم
وگوم امــيـه مـــا تــروع هـالـحرم         ولا تــســلـب عـيـلـتـي وأيــتـامـي

يــا مــن اتــوذرت بـالـبيض وسـمر         عگب عـينك بـعد مـا يـسوه الـعمر
اعـرفت مـن بـعدك يمشوني بيسر         مـن فـضخ هـامتك سـيف الشامي