گلــب لـيـله أيـخـاطبك يــا مـوحـه         ومـثـل دمــك فــاض دم اجـروحـه

گبــل مــا يـطـلع الاكـبـر لـلـحرب         لــلـمـوادع راد يـــم امـــه يــطـب
لـنه يـسمع صـوت من جرح الگلب         لا تـــصـــدع امـــــك بــهـالـروحـه

اسـهـرت بـربـاك وذخـرتك لـلشدد         عـاهـدت تـوفـيني لا تـنـسه الـعهد
وگفــتـك لـلـديـن يـالاكـبـر ضــمـد         اتــداوي بـيـها چبـدتـي الـمـجروحه

يـولـدي ولـلـدين مـطـلوب ابـعهود         اطـلـع لـمـيدانه واضـمـنله الـخلود
وگلبي لو شافك ابساحات الصمود         يــلـتـزم صــبـره ويـبـطّـل نــوحـه

خــل أشــد ابـنـود سـيـفك بـالدمع         لا تــهــاب الــمــوت دلالــــي درع
گبـالي جـسمك أرد أشوفه منصرع         وأرد أغـسله ابـدمعتي الـمسفوحه

أرد أغـسّـل جـسمك ابـدمع الـفرح         وأفـتخر واهـتف الـي شـاب انـذبح
نـصر ديـنه ابـموقفه السامي ونجح         وهـــاذي جــنـات الـخـلد مـفـتوحه

فـرصـه هــذي ولا تـخـليها تـفـوت         وانـته أول هـاشمي اتصافح الموت
أرد اسـمعك بـالحرب تهتف بصوت         الـدنـيه فـرصـه ولـلنصر مـسنوحه

مــن سـمـع امــه تـذكـره بـالـعهد         احـترگت ابجسمه الحماسه وارتعد
صـاح هـذا الـحرب يـا لـيله اشـبعد         والـشـهم بـالـحرب ســره ايـبوحه

هــذا عـهـدي وهــذا يـوم الـملحمه         والـيـعـاهد شـاهـد اعـلـيه صـارمـه
الـيوم خـيل اعـداي احـجلّها ابـدمه         وكــون أقــدّم بـالـطعن اطـروحـه

خـلـها تـشهد عـينچ وعـين الـحرب         اشـما يصير الموقف اگبالي صعب
ابسيفي أكتب سنن دستور الضرب         والـمـنـاهج مـــن بــدر مـشـروحه

ودّع امـه ومـضه لـساحات الـقتال         وبـالـمهند گلّــب اصـفوف الـرجال
لـيله شافت الاكبر ايخوض الاهوال         وعـيـنها لـبـرج الـحـتف مـشـبوحه

وانـخـفـض لـلاكـبر اجـنـاح الـنـصر         حــان الــمگدر وطــاح مـن الـمهر
ولـمن غـابت روحـه بالبيض وسمر         چم جـسـم بـالـخيم غـابـت روحـه

طـاح مـن عـالغوج مـتخضب ابـدم         والـهـواشم حـملته الـصوب الـخيم
لـيـله شـمّت نـحره واتـنفس الـهم         ودوحـــة الايــمـان أعـطـر دوحــه