عــبـاس وزم بــيـده الـرايـه         اشـحده الـيوصل حـد الـثايه

قــائــد لــعـهـوده مـعـززهـا         وبچفــــه الــرايـه مـركـزّهـا
وبـنـصـرة ديــنـه مـطـرزهـا         آيـــه وبـيـمـينه تـــرف آيـــه

آيـــه ومـــن حــيـدر وارثـهـا         ونــيـران الــكـون ومـورّثـها
بـــاد الـحـمـله ومـــا ريـثـها         وفــــرّت سـيّـافـه ورمّــايـه

وبـعـزمـه لـمـيـدانه يـجـولـه         وظـل يتخطه بعرضه وطوله
لـن يـسمع صـوت المكفوله         يـالـكـافـل جـيـتـك شچّايـــه

جـيـتـك يـــا ضـيـغم يـمچنـه         يـالـسـيفك بـاسـمـك يـتـغنه
ارد اشـكـيلك جـمـر الـمحنه         جــمـرة فـركـتـكم وضـمـايه

والانــتــه مــــوزّم بـحـمـاها         يــا عـبـاس اسـمـع نـخـواها
تـربـي اعـلـه الـجود بـعيناها         تـرويـها تـريـدك مــن مـايـه

الـمـعـتـوب يــوفّـي بـعـتّـابه         بـالـخـيمه عـيـالـك مـرتـابـه
مـــن نـــار ضـمـاها اللهّابــه         وتـعـرف شـيـطفي الـلضّايه

جـــــودك لــلـنـار يـطـفـيـها         ولگلـــوب الـجـفّـت يـرويـها
اشــلـون بـهـالحاله مـخـليها         يـــا بــحـر الـجـود وعـطّـايه

مـــن صــد لايـتـامه بـعـيونه         وامــنـهـا ولــــوّح مـيـمـونـه
ذب جـود الـماي اعـله متونه         ونــشّـف دمـعـتـها الـهـمّـايه

مــن فــرّح گلــب الـكـافلها         لگلـــوب الـعـسـكر جـفـلـها
بــمـيـول الــصــارم مـيـلـها         وبـرمـحه الـحـومه مـغـطّايه

وكــف الـجـيمان الـمصطفّه         وبـالـصارم لـلـعسكر صـفّـه
احـتل الـشاطي بـزود وعفّه         ومـن اسـمه الـعفّه مسماّيه

مـن ذب الـجود اعـله يـمينه         والــــمگدر لــيــه امـعـيـنينه
صــاب الـجود وصـوب عـينه         وايّــس عـبـاس مــن الـغايه

والـعـامـود الــصـوّب هـامـه         حــل مــا بـينه وبـين خـيامه
لــن يـسمع صـرخات ايـتامه         صــرخـات وظــلـت دوّايـــه