يـا شـاب صـارت عـالحرب زفـته         وانـعـجـنت إبـــدم الـنـحـر حـنـته

نـنشد مـن أهل المعرفه ونستمع         يـا شـاب لـيلة عـرسه هـل الدمع
وزفـته سـمر الـقنه بـدال الشمع         او وردة حـياته إرتـوت من دمعته

عـريـس وشـمـوعه رِمـاح الـعده         وبـيض الأشـفار ايـشوفها مجرده
وگبــالـه سـبـعين ألــف مـتـجنده         لـلـخـيم تــربـي وتـنـتظر طـلـعته

الـهذا الـشهم يـا مـعرس ايـماثله         وحـافر الـخيل إطـبول صارت اله
وبـالـخيمه امـه ايـشوفها امـوجّله         أيـساعدها الله الرمله من شافته

بـيـا عـيـن رمـلـه لـهالولد تـنظره         عـريـس دمــع وداعـهـا امـعـطره
وجـعـوده فــوگ امـتونه مـتنشره         اسم الله اعله اسمك يولدي نادته

اوصــيـك يـبـني ولـلـوصيه إنـتـبه         وجــهـك لـغـيـر الـنـصـر لا يـتـجه
سـبـحـان رب الـصـاغك هـالـوجه         جـلّـت صـفـات الـخـالق وقـدرته

جـاوبـهـا لا يـاخـذچ بـيّـه الـعـجب         گبـلي وجـه الأكـبر ابـدم انـخضب
وابـجبهتي ثـار ابـن عـمي انـكتب         هـيـهـات أنـسـه الأكـبـر وفـرگتـه

مـن طـلع يـتخطّه مـن بين الخيم         مـثل الـغصن يـتمايل اويـه النسم
حـيّاه مـأتلفه اويـه شخصه الهمم         ومــا تـختلف عـن الـحسن هـمته

لاح إعله مهره وعالمعاره انعطف         وابـشـدة الـصارم دلـيله انـشغف
ومـثّل عـلي بـالحومه لـمن وگف         وفـرّق الـعسكر مـن بـدت حملته

ثــائـر وگلــبـه لـلـنـصر عـــاشگه         وابــصــارمــه الأرواح مــتــعـلگه
وصـــورة الأكــبـر أبــد مـتـفارگه         اشـما طـبر يـذكر الأكـبر وطبرته

وسام الشهاده الجاسم ايلوگ اله         ونــفّـذ وصــيـة والـــده ابـكـربله
وجـسمه تغسّل من دمه المرجله         وامــه بـدمـعها وهّـجـت شـمـعته