يــالأكـبـر زمــانــي بــيــك صـوّبـنـي         وغــرّبـنـي عگب عــيـنـاك غــرّبـنـي

تـغـرّبت وگطـعـت الأمـل يـا رجـواي         يـــا وردة حـيـاتي الـراتـعه بـحـشاي
لـو چان الـدوه ايطيّب الجرح والدّاي         أنـه جـروحي تـطيب ابـشوفتك يـبني

گلــبـي إبـشـوفـتك تـتـلايم جـروحـه         وتــرد لـلجسم روحـه يـا بـعد روحـه
يـضّي الـعين عـيني عـليك مـشبوحه         اگولــن بــلچي لأمــك تـجـي مـتعني

تـتـعـنه ويـــرد ذاك الـــدلال الـــراح         يــا مـصباح عـيني الـفاجده الـمصباح
لـمـن طـحت بـيت الـلي عـليّه طـاح         إو ونّ الــدوح مــا يـختلف عـن ونّـي

أونــنّ والـدمـوع تـسـيل مــن دمــك         گوم وشــوف حـال امـك يـبعد امـك
يـريـت تـراب گبـرك يـولدي الـضمّك         مـن گبـلك يـالأكبر كـون إلي يضمني

يـضمني ولا أظـل أنحب على فرگاك         شـمحله الـموت يـبني لو يصير وياك
تـضـن أنـسـاك يـالأكـبر فــلا أنـساك         الّـه يـطيب جـرح الـسوط مـن متني

مـا أنـساك لـمّن جـرح مـتني ايطيب         يـا رفـعة الـراس الـلي غـزاه الشيب
الـذخر لـو چان عـند الموزمات يغيب         چا إلــمـن ذخــرتـك يـالـغـبت عـنـي

غـبت عني وحرمت عيوني من ضيّك         يــا كـاسـر وجــودي الـفـاجده فـيّـك
شـجـاوب مـن يـنشدوني أهـل حـيّك         اگولـــن بـالـشـدد غـــاب الـتـكفلني

تـكـفلني وطـلـعت ابـشيمته وبـحماه         وبـسـاعـة الــشـده اتـفـارگت ويّــاه
الـخـلاّني وحـيـده إعـله الـترب خـلاّه         وصـابـنّـي مـرامـي الـهـظم صـابـني

مـرامي الـهظم صـابنّي وبگيت أحبي         انگطـع گلـبي ابگطـعتك يـا ثمر گلبي
يــا شـمـعة وجــودي الـذايبه ابـعتبي         أكـثـر الـعـتب لــو أدريــك تـسمعني

تـسـمعني وتــرد يـولـيدي لـيّـه ردود         يــا صـيـوان خـدري الـفاجد الـعامود
يگولـون الـصبر لأهـل الـصبر محمود         مـحّـنـت الـصـبـر والـصـبـر مـحّـنني

صـبـرت وروحــي ولـها تـريد مـنواها         وشـفـت ام الـفـصيل تـسيل عـيناها
تگابـلـنه ونـحـن گلـمن عـلى اضـناها         الـنوب ام الـفصيل إجزعت من حنّي

من حنّي اجزعت وبگيت وحدي هناك         احــنـن وانـتـحـب يـالأكـبـر لـفـرگاك
گوم وشـوف عـين امـك تـهل ادماك         مـــا أنــسـاك الّــه الـمـحن يـنـسنّي

أنـسـه ومــا أگولــن ضـيـعت ضـيعه         يــا ريــع الگلـب عگبـك نـشف ريـعه
ومـثـلـك بـالـبـواتر صـــار تگطـيـعـه         ومـثل جـسمك سيوف الهظم وذرنّي

وذرنـنـي إو ولـمـهن مـا أظـن يـزول         الّــه ابـشـوفتك يـدعج يـحلو الـطول
مـحن فـرگاك هـم اتـزول يـا مدلول         لـــــو لـــلگبــر يــالأكــبـر يــودنـنـي