چم مـــصـــاب گلـــبـــي انـــصــاب         شــــاهــــده ابـــدمــعــة عـــيــنــي
مـــــن عــفــتـك اعـــلــه الــغــبـره         وكــــمّــــلــــت دور الــــــثــــــوره
چم مـــصـــاب گلـــبـــي انـــصــاب         شــــاهــــده ابـــدمــعــة عـــيــنــي

يـبـن امــي يـالـبيك الـشـيم مـحـتفّه         هـاك اخـذ عـتبي خـل يـصوبك عـتبي
زيـنـب انــه الـشـدّت وســام الـعـفّه         مــن صـبر گلـبي چم مـصاب بگلـبي
والـشـرف بـأوصـافي تـكـمّل وصـفه         يـشـهد لــي ربــي وبـيّـه اعـلم ربـي
والاســـــــــــلاف بــــهـــالاوصـــاف         بـــالـــغـــانــمــه امـــتـــوجــيــنــي
مــــــن صـــبــر امـــــي الـــزهــره         كـــــمّــــلــــت دور الـــــــثــــــوره
چم مـــصـــاب گلـــبـــي انـــصــاب         شــــاهــــده ابـــدمــعــة عـــيــنــي
يـحسين اخـذ من جرح گلبي المدمي         حــالـة الـخـدّر مــن سـبـوا هـالـخدّر
بــجـور الـنـوايب شـاركـتني ابـهـمّي         گلــبـي الـمـفـطر عـالـيتامه اتـفـطر
حــال الـيسر عـالحرم اصـبح حـتمي         ســـارت بـهـالبر يــا گطـيـع الـمـنحر
والايــــــــتـــــــام بـــــــــــــــالآلام         لـــــمــــن تـــــحــــس تـــاذيـــنــي
ابگلـــبـــي احــمــلـت چم جـــمــره         كـــــمّــــلــــت دور الـــــــثــــــوره
چم مـــصـــاب گلـــبـــي انـــصــاب         شــــاهــــده ابـــدمــعــة عـــيــنــي

يحسين أخذ من دمعي وصف السجاد         الـنـظر الـحـاله حـالـي يـشـبه حـالـه
مـــن ثگل اغــلال الـيـسر والأصـفـاد         تــــدري شـجـرالـه گطّــعـوا دلالـــه
مـــا شـايـفه عـيـوني عـلـيل ويــنگاد         لــشــدّة اغــلالـه دمـعـتـي الـهـمـاله
والـــــســــجــــاد مــــــــــــن انگاد         بـــالـــنـــايـــبـــة يــــنــــاديــــنـــي
حـــيـــرنــي شـــبـــلــك بــــامـــره         كـــــمّــــلــــت دور الـــــــثــــــوره
چم مـــصـــاب گلـــبـــي الــعــنـاب         شــــاهــــده ابـــدمــعــة عـــيــنــي

يـحسين أخـذ من جمر دمعي الهمال         چلــمـة مـعـاتـب والـشـهـم يـتـعاتب
لـو راحـت اخـته مـيسره بذاك الحال         بــالأخـص زيــنـب يــا مـعـزة زيـنـب
لـلـكوفه لـمّـن وصــل بـيـنه الـجمّال         گلـبـي الـمـصوب بـالشماته اتـصوب
مــــــــن إنــــشـــال عــالــعــسـال         راســـــــك غـــــــده ايــواســيــنـي
وبــالــســبـي لــحــالــي يــنــظــره         كـــــمّــــلــــت دور الـــــــثــــــوره
چم مـــصـــاب گلـــبـــي انـــصــاب         شــــاهــــده ابـــدمــعــة عـــيــنــي

طــول الــدرب راســك يـلوح گبـالي         وجـهك اوصـافه الـمصطفه بـاوصافه
وانـسـينه بـالـبر واحــد مـن اطـفالي         والـظـعن عـافه اعـله الـترايب عـافه
والــراس ظــل يـتلفت اعـله عـيالي         لـلـطـفل شــافـه ثگل لـمـن شـافـه
ابـــلــم عـــيــال وجــمــع اطــفــال         طــــــــول الــــــــدرب تـــلگيــنــي
وحــــزّمـــت گلــــبـــي بـــصــبــره         وكــــمّــــلــــت دور الــــــثــــــوره
چم مـــصـــاب گلـــبـــي انـــصــاب         شــــاهــــده ابـــدمــعــة عـــيــنــي

مـن دخـولنه الـمجلس الـطاغي وراد         الـراسـك يـشـوفه بـالشماته يـشوفه
بـصبر الگلـب هـدّمت عرش ابن زياد         ابـطبّت الـكوفه اگلـبت وجـه الكوفه
بــالـحـزن خـلـيـنـاها عگب الاعــيــاد         الـطاغيه بـخوفه انـفظح نـاتج خـوفه
والـــطـــغـــيــان بـــالـــخـــســران         والـــنـــصــر صــــــــار الـــديـــنــي
مــــــا بـــيـــن بــســمـه وعـــبــره         كـــــمّــــلــــت دور الـــــــثــــــوره
چم مـــصـــاب گلـــبـــي انـــصــاب         شــــاهــــده ابـــدمــعــة عـــيــنــي

لــمـن وصـلـنـه الــشـام وادخـلـنـاها         ادّيـنـه مـوقـف مــا يـجـاديه مـوقـف
ثــورتـك بـــارض الــشـام كـمـلـناها         بـايـمـاني اهـتـف لـلـمظالم اكـشـف
والـخـطـبـته الـسـجـاد مـــن ادّاهـــا         خـطـبته تـوصـف ظـلم امـيه تـوصف
بــــــذاك الـــيــوم يـــــا مــظــلـوم         اســـبـــيــت الـــــــذي ســابــيــنـي
ورديــــــــت الــــــــك مــنــتــصـره         كـــــمّــــلــــت دور الـــــــثــــــوره
چم مـــصـــاب گلـــبـــي انـــصــاب         شــــاهــــده ابـــدمــعــة عـــيــنــي