هــاشـم إبـدمـهـا تـغـيّـب نــورهـا         جـسومها امـغسّله ابفيض انحورها

هاشم أمست بالطفوف بأشد حال         الروسها عن الجسوم السيف حال
گوّضـت والسلب عگب الأهل حال         بـالـخـيم والــعـده اتـزايـد جـورهـا

وانـسلب خـدر الحرم عگب الحمه         وراح خـــدر الـعـايله وراح الـحـمه
ابـغرب ظـلّن والگلـب مـنهن حمه         عـلى الـحومه الـبيها مهوه ابدورها

امـسـلّبات اطـلـعن ضـجّن بـالنده         صـاحـن الـعـهدك يـبـو الـيمه نـده
لاچن الــلـي طــايـح ابـولـية نــده         بـالـظـليمه اعـــداه تـاخـذ دورهــا

يـــا حـمـانه چنّــه بـحـماكم ولــن         إجــمـوع چتـالـتـك لـعـيـالك ولــن
ولا گلـب حـن عـلى أيـتاماكم ولن         والــفـواطـم سـلّـبـوها اخــدورهـا

بـالهظم زيـنب لـبو الـيمه اوصـلت         وروحـهـا جـالـت إبـلهفتها اوصـلت
بــيـد خـوّتـها ومـدامـعها اوصـلـت         جـروح أبـو الـسجاد عِزها وسورها

وظـلّت إعـله الـثره ابناظرها ترب         شافت اخوتها الصريعه اعله الترب
نــادت الـغـربه الـحـرايركم تــرب         والـمـصـيبه عگب أهـلـها اتـدورهـا

وگلــب زيـنب لـلنهر مـسرع عـده         يـشكي حـال الـعايله وجـور الـعده
الـساعدك چفّـك يـبو فـاضل عـده         واجـلي حـزن الـعايله من صدورها

عـاتـبـت عــبـاس زيـنـب وألـمـت         غـربتي وطـيحتك بـالطف والمت؟
والــعـده لـلـحرم عگبــك والـمـت         هِــزِل مـتـعوبه ونـحـيفه اظـهورها

اشـلون مـرّ انـهار بيه اشلون مس         عـالفواطم والأطفال ابخوف مس
وجـمر نار امخيّمك والعطش مس         اگلـوبـها وچفــك مـصـب ابـحورها

گوم بـاصـرني لــون صــار الـيسر         وبـالـظـعن لـلـيسر چتـالـك يـسـر
حـالي لابـن ازيـاد والـشامت يـسر         وتحيي عيد الظفر وسط اقصورها