چبــد أبـو الـيمه الـسهم مـن صـابه         صـــوّب إبچبــد الـرسـول اصـوابـه

عگب مــا ودّع أبــو الـيـمه الـحـرم         وطـلع آخـر طـلعه مـن بـين الـخيم
إخــذ وطــر الـمرجله ولـن الـسهم         صـــاب چبــده ومــا خــط صـوّابـه

حـسين بصواب السهم بالچبد حس         وأشد من طعن الرماح السهم مس
أحـنه صـدره فـوگ كربوس الفرس         ودمـه صـوابه لـوجهه صـار اخضابه

الـسهم مـض وصار مطلاعه الظهر         وچن الـمـحـتّم لــبـو الـيـمه ســدر
جـبـهته مـفـضوخة بـصواب الـحجر         وبـعـد بــس سـيـف الـشمر طـلاّبه

صـاح بـسم الله ومـله الچف بـدمه         صـابـر ومـحـتسب وارمــا لـلـسمه
نــزل لـلـمصرع بـأصـاويب وضـمـه         وعـينه ظـلّت شـابحه أعـله أطـنابه

شــاهـد الـعـسـكر عـالـخيم هـجـم         صــاح يـالـما إلـكـم اذمــام وشـيـم
اگصــدونـي ولا تــروعـون الــحـرم         ولــلــخـدر لا تــهـتـكـون إحــجـابـه

والـشـمـر جــاوبـه حگّك هـالـطلب         وطـلّـع الـجـيش الـتوسط بـالطنب
ولـلجريمه الـسيفه من غمده جذب         إشـلون سـيف الـلي الـشمر جذّابه

سـيـف شـر والـشر يـلوح ابـصاحبه         وابــــن ســعـد لـهـالـمهمه نــادبـه
الگطـع مـنحر خامس أصحاب العبه         رِگه صــدر ابــن الـنـبي ومــا هـابه

فــوگ صــدر حـسـين أثـنـه ركـبته         ولـلـذبـح وسّـــط الـسـيف بـرگبـته
الـراس فـوگ الـرمح زيـنب شافته         ويّــه راســه تـلـوح روس أصـحـابه

عـالـخيم اگبـلـت غــارات الـخـيول         مـن خـيمهن طـلعن بـنات الرسول
شـافـن إعـله حـسين خـيّاله تـجول         وچفّــنـه الـمـصـرع بـــذاري تـرابـه

إطـلعت زينب من خدرها المنسلب         شـاهـدت حــرگ الـمـخيم والـنهب
مــثـل نـــار الـبـالخيم نــار الگلــب         نــــار مــــا تــطـفـه وبگت لـهّـابـه