لـيـلـه بـالـخـيمه حـزيـنـه اشـبـيـها         حـسـيـن لــو الأكـبـر يـعـز اعـلـيها

اشـبـيها لـيله الـودعت أول شـباب         عـلي الأكبر من بعد جمع الأصحاب
خايفه اعله الولد من طعن الحراب         تـريـده مــن الـحـرب يـرجـع لـيـها

اشـبيها لـيله امگابـله وجه الحسين         تـنادي اخـبرني عـن ابني صار وين
وأبو اليمه اعله الحرب شابح العين         گومــي يــا لـيـله انـدعـي ايـنـاديها

طـبـت لـخـيمتها مـحـزونه اهـتفت         حــره يــا رب لـيـك بـاللوعه لـفت
هـالـغريبه لـدمـعة الـغـربة اذرفـت         وقـسـمت اعـلـه الله بـصبر والـيها

يــا الـهـي اولـيدي الأكـبر رده لـي         ابـجـاه صـبر حـسين وبـغربة هـلي
مـثل رجـعت يـوسف ارجعلي علي         جــروح گلـبـي ابـشـوفته ايـداويـها
طـلعت مـن الخيمه مفجوعة گلب         تـنـهض وتـعـثر ومـاخـذها الـرعـب
لـن تـشوف الـولد رد مـن الـحرب         ابــفــرحـة الـمـنـتـصـر مـتـعـنـيـها

نــادتـه ادريـــك مـلـهوف ارجـعـت         تــريـد تــتـوادع عگب مــا ودعــت
امــــك آنــــه وبــدمـاك اتـبـرعـت         روح يــبــنـي لــرگبــتـك ضـحـيـهـا

يـالـعزيز حـسـين مـن عـندك أعـز         لچن عـن صـبره الـصبر عيّه وعجز
حـين الـك بـالحومه بـن غـانم بـرز         صــاح شــده وصــار الأكـبـر بـيـها

روح صــبــرلـي ابـــــوك وأمــنــه         واطـلـع لـحـومتك وامــرح بـالـمنه
مـثـلي چم حــره بـولـدها مـدوهنه         ويــجـي لـيـهـا حـسـيـن ويـسـلـيها

حگه ابــوك الـدمع مـن دم يـذرفه         وعگبـك يـنادي عـلى الـدنيه الـعفه
حـيث بـيك أيشوف جده المصطفه         وانــتـه لــوصـاف الـنـبـي حـاويـها

اتـعـنـه الأكـبـر لـلـحسين ايـودعـه         أيـصـبره لــفگده ويـنشف مـدمعه
عگب مــا ودعــه اتـعـنه لـمصرعه         ســاعــه لـــن لـجـثـته امـوذريـهـا