اشــلـون يـــوم اعـلـه الـنـبوه وآلـهـا         مــن طـحـت يـحـسين فـوگ رمـالها

اشـلون يـوم اعـله النبوه اشلون يوم         الـبيه جـسمك عـالثره تـغسله دمـوم
بـمصرعك روح الـقدس محزن يحوم         يـنـعه روحــك واوحــى مــا اوحـالـها

اشـلـون يــوم الـبـيه جــدك يـنظرك         دمـــك ابــتـرب الـطـفوف ايـعـفرك
ابـعـينه چنـه ايـشوف حـزت مـنحرك         وجــثـتـك شــمــر الــخـنـه اتـثـنـالها

اشـلون يـوم الـماجره يـبن الـرسول         اخــرس لـسان الـدهر عـنّه شـيگول
صــار صــدر حـسين مـيدان الـخيول         جـــالــت ومــحّــد الــعـنّـك حــالـهـا

اشلون يوم مصاب وافجع كل مصاب         والـلي صـابك بـي گلـب والـدك ذاب
اشـد مـن يـوم الـذي بـهامته انـصاب         ومــثـل دمــع امــك دمـعـته الـهـالها

اشـلـون يــوم اشـلون حـالة فـاطمه         الـراسـها مــن نـحرك تـخضبه بـدمه
عـالـيـتـامـه بـالـمـصـيـبه امــخـيّـمـه         وعگبـــك لـزيـنـب تــشـارك حـالـهـا

اشـلـون يــوم آلام واحــزان ومـحـن         بـمصرعك يـحسين مـصروع الـحسن
مـثـلك اوداجـه عـلى اثـباجه اشـخبن         مــن انـرفـع راســك عـلـى عـسّالها

اشـلـون يـوم وزيـنب اتـشوفك ذبـيح         گوم وادرك حـالـي يـبـن امـي تـصيح
طـلـعت اتـظـنك يـبـو الـيـمه جـريـح         وعــلــى صـــوت الـنـخـوه تـتـعـنالها

اشـلـون يــوم وشـبـلك الـسـجاد تـم         بــيـن شــدّة حـالـته وسـلـب الـخـيم
اعـليه واعـله الـعايله الـعسكر هـجم         اشــلـون جــولـه وبـالـمـخيم جـالـها

اشـلـون يــوم وغـيّر اوضـاع الـزمان         لـبـست الـدنـيه عـليه ثـوب الأحـزان
دمــع واشـجـان ونـحـيب بــلا هــوان         والأرض بـــــي زلـــزلــت زلــزالـهـا