الگمـــر عـدنـان الـعـمد مــن صـابـه         خـــلّــه زيــنــب بـالـخـيـم مــرتـابـه

مــن عگب مــا أمـنـت حـال الـعيال         وسـكّـنـت روع الـحـرايـر والأطـفـال
لـلـكـفلها اطـلـعت تـشـكيله الـحـال         وبــالــدمـع رادت تــضـمـد صــوابــه

مـعـوله اتـعـنّت لـصـوب الـمـشرعه         وروحــهـا بـهـضم الـمـصيبه مـروّعـه
بـالـصـبر والـحـلـم زيــنـب مــدرعـه         وروح زيـــنــب لــلـهـضـم مــتـهـابـه

اشلون وگفه اوگفت يم شاطي النهر         حـايـمه اتــدور عـلـى جـسـم الگمـر
تـــدري مـتـشـمت بـوگفـتـها الـدهـر         واعــلــه زيــنــب كــشّــرت انـيـابـه

وصـاحت بـصوت الگطـع منها الدليل         ويــن جـسمك يـا مـن لـزينب كـفيل
الـتفتت وشـافت گمـر هـاشم چتـيل         والــعــلــم دم الــقــيـاده خــضــابـه

لـمـن شـافـت حـاله الـها الـيسر لاح         ومـن صميم الحزن گلب الحره صاح
يـالـبـنـيت الــخـدر ذاك الــخـدر راح         مـــن هـــوت فــوگ الـثـره حـجّـابه

مــن إگطـعـوا چفـينك وطـاح الـعلم         إنگطــع بـيـنه وطـاح صـيوان الـحرم
وانـطفت نـار الـظمه وگلـبي انضرم         بــجــمـر نـــــار خــيـامـك اللهّابــــه

مـــن لـهـيـب الـخـيـم والآم الـحـزن         مـصـوّب ومـلـتهب گلـبـي الـممتحن
وحگ عـينك يـا گمـر مـا چنـت أظـن         تــصـيـر عــيـنـك هــــدف لـلـنـشّابه

والـعـمـود الـفـضخ بـصـوابه الـجـبين         حـنه ظـهر اخـتك مثل ظهر الحسين
امـدوهـنـه وأتـلـفّـت يــسـار ويـمـين         وصــحـت تـــوّه الگدر حــل مـصـابه

الــعـمـد آه الـعـمـد خــلانـي أحـــوم         بـكـربـله وأنــخـاك يـــا عـبـاس گوم
لـــون مـيـصـيبك فــلا تـهـجم الگوم         ولـلـخـيـم مــــا تــوصــل الــسـلاّبـه

إعـتلت فـوگ النهر صرخات المصاب         وألّــمـت عــبـاس زيــنـب بـالـعـتاب
اشــا تـحـشّم مــا يـرد الـها الـجواب         الــهـا بـــس الــصـده يـــرد اجـوابـه