اعـيـونّنه ابـدمـع الـصـبر فـيّـاضه         والـمـجد ظـلـت مـمـحله اريـاضه

تـظل تـجري اعـيونّه ابدمع الصبر         ونـدّعـي بـهـالصبر حـصّلنه الأجـر
خــدّرت أفـكـارنه أحــلام الـعـمر         نــحـس بــالـذل وعـلـيه نـتـغاضه

الـصـبر عـالذل عـار دنـيه وآخـره         والاعــذار أضـغـاث نــوم وثـرثره
الـما طـلب حگّه نصيبه المسخره         ولــو حچه الــوادم تـحور ألـفاضه

بـالـصبر نـتـحجج ومــرّت سـنـين         نـغـض عــن الـواجب ومـتخاذلين
الـنه غـايب دوم الـه مـستنهضين         ومـــا نـــأدي واجــب اسـتـنهاضه

لـو صدگ نستنهض ونبدي العتاب         لـلإمـام ونـشـتكيله مــن الـغـياب
ايـكون گبـله لـلحرب نـفتح الباب         بـالـسـيـوف الـلامـعـه الـومّـاضـه

خـل نـكف ادمـوعنه وخـل نستعد         وخــل نِـلـم هـذا الـشتات ونـتحد
مـن دمـانه انـروّي دوحات المجد         ولـلـعـهد نـثـبت صــدگ حـفّـاظه

مـجد عـدنه مـحلت ارياضه ويريد         نـسگي أرضـه الـطيّبه بدم الوريد
حـسين مـا وصانه بس نلعن يزيد         ونـحـفـظ الـتـاريـخ بـاسـتـعراضه

أبــو الـيـمه لـمـن اسـتبسل وثـار         وبــهـدر دمــه ضـمـن هـالانـتصار
راد دوم انـتـابـعه بــهـذا الـمـسار         ومـثـله لأهــوال الـمـحن خـوّاضه

حـسين لمن طاح بالمصرع جريح         بـصوته چان ودمـه يـتحدّه ويصيح
الـمـسلم الـمـتمايله هـبـة الـريـح         مـجد ديـنه إعـله الـحرب حـرّاضه

والـذي يمجّد شرف يوم الطفوف         بالفكر خل يدخل الحومه ويشوف
سـبـعه وثـمـانين تـتـحده الألـوف         وبـالـوغه لـبـذل الـنـفس ركّـاضه