انــــــجـــــول مـــــيـــــدان
الــــطـــفـــوف والــــلــــي مــــــــا شــــايـــف
يــــشـــوف
جــــــثــــــث مـــتــغــسّــلــه
ابــــدمــــهـــا وحــــــــرم مــــــــا بــــيـــن
الـــصــفــوف
والــــلــــي مــــــــا شــــايـــف يــــشـــوف
شـوف يـالماچنت شـايف حالة اعيال الرسول
أمـست ابـليلة الـحادي عـشر ماخذها الذهول
وجـثث ولـياها رمـيّه وتـسحگ اعـليها الـخيول
وأمـست ابـدور الهواشم غايبه ابّرج الكسوف
والــــلــــي مــــــــا شــــايـــف يــــشـــوف
شـوف يـالما چنـت شايف جثث وبلايه رؤوس
امـصرّعه فوگ الوطيه وتنحبس منها النفوس
وعالعواسل غدت تزهي منوّره مثل الشموس
ومـن دمه نحور الشهاده للسور كتبت حروف
والــــلــــي مــــــــا شــــايـــف يــــشـــوف
شـوف يـالما چنـت شـايف حال بضعة فاطمه
أمــسـت الـلـيـلة غـريـبه لا كـفـيل ولا حـمـه
والـكفلها اعـله الـشريعه مغسّل بفيض الدمه
ورايـته الچانت ترفرف طاحت بگطع الچفوف
والــــلــــي مــــــــا شــــايـــف يــــشـــوف
شـوف يـالما چنـت شايف نور وجه المصطفه
يـشـع مـن غـرّة الأكـبر لچن بـالحومه انـطفه
ولـو ردت وصـف الرسول ابوجه الأكبر وصّفه
بـالـحرب وجـه الـنبوه اتـخضب بـدم الـحتوف
والــــلــــي مــــــــا شــــايـــف يــــشـــوف
شـوف يـالما چنـت شـايف شـاب بـالدم حنته
تـشوف جـاسم عـالحرايب لـمن صارت زفته
ورمـلـه مــن جـمر الـمدامع وهّـجتله شـمعته
مـعرس بـوسط الـحرايب زفته رماح وسيوف
والــــلــــي مــــــــا شــــايـــف يــــشـــوف
شـوف يـالما چنت شايف طفل بالنبله انفطم
هـذا عـبد الله الـرضيع الـنحره مگطوع بسهم
والـربـاب اشـلـون تـنـظر لـلـوريد ايـسيل دم
طـفل يـتغسل بـدمه هـذا مـن جـور الصروف
والــــلــــي مــــــــا شــــايـــف يــــشـــوف
شـوف يـالما چنـت شـايف جسم ذايب بالألم
وانـظـر الـسـجاد لـمّـن حــرگوا اعـليه الـخيم
أيـشوف خـيل وعـده ونـار اتحيط ايتام وحرم
حـايـر بـجـمع الـيـتامه وغــارت عـليه الألـوف
والــــلــــي مــــــــا شــــايـــف يــــشـــوف
مـا شـفت لـيلة الـحادي عـشر بالحومه ظلام
شفت بس أنوار تزهي وتشع من جسم الإمام
وبـزغ مـن بـرج الـشريعه كـوكب يشع للايتام
يـعوّض عـهود الـكفاله واخـذ عـالعيله يـطوف
والــــلــــي مــــــــا شــــايـــف يــــشـــوف