نــــــــــور عــــيـــنـــي يـــــــــا حـــســـيـــن         يـــــبـــــن أمّــــــــــي يــــــــــا حـــســـيـــن

انـرسمت گبـال العقيله صوره من وحي الدهور         الـلـيله تـنـظر لـلـهواشم بـالـخيم مـثـل الـبدور
بــاچر اتـشـاهد أهـلـها امـخـضبه ابــدم الـنحور         الـلـيله هـالـعيله ابـخـدرها بـاچر اتـروح الـخدور
ثــــــــــــــمَّ صـــــــاحــــــت بــــنـــحـــيـــب         يـــــبـــــن أمّــــــــــي يــــــــــا غـــــريـــــب

الـيوم يـبن أمـي أحـسِّب راح اعـيش ابـيا امـل         اليوم الف حسبه اعله بالي مرَّت وفكري انذهل
مـــره لـلاطـفـال أنــظـر مـــره أنـظـر لـلأهـل         يــا أمــر بـالفجر يـجري ويـا قـرار الـلي حـصل
يــــــــــا لـــهـــيــبــاً فـــــــــي الـــجـــفـــون         لــــــســــــت ادري مــــــــــــا يــــــكــــــون

مـجره هـالأحداث صـارت تـرسم اگبـالي صـور         نـوب اشـوف اويـاك ارجع للوطن عگب السفر
ونـوب اشـوف الـجسم مـنك فـايض ابدم النحر         صـورتـين ويـاهـي مـنـهن تـالي يـعرضها الـدهر
وغــــــــــــــداً بـــــــعـــــــد الــــــــــــــوداع         كــــــــــــــلُّ أمــــــــــــــر ســـــيـــــطــــاع

حــان يـبن امـي الـوداع وحـيلي بـالطف انـهدم         الـعـيـله شـتـوصـيني بـيـها گول يــا بـحـرالشيم
اخـلافـك افـتح گلـبي الـها واجـمع أيـتام وحـرم         الگوم لــو حــرگوا خـيمها روحـي لـعيالك خـيم
ســـــــــــــوف أدعــــــــــــو بـــالـــعـــويـــل         حـــــــيـــــــن ألـــــــقـــــــاك قـــــتـــــيــــل

خـويه وارد أسـمع وصـيتك گبـل لا شوفك چتيل         وآخــذ ازمــام الـكـفاله ابـعـيلتك گبــل الـرحيل
اعـيالك اجـمعها ابـدليلي لـو بـدت غـارة الـخيل         وروحي شمعة وفه وتضوي اعليها لو خيمَّ الليل
حـــــــيـــــــن تـــــلــــقــــى بـــــالــــعــــراء         فــــــــــــــي بــــــــــــــوادي كـــــــربــــــلاء

لــو بــزغ فـجـر الـمـنايه وصـدر لـلموت الـبيان         امـضي وارشـد للمعارك وآنه خلني اويه الزمان
ولـو شـفت راسـك يـخويه يـنرفع فـوگ السنان         أحــرس بـعـيني الـيتامه وأجـمع الـعيله ابـحنان
ســــــــــــوف اشــــــكــــــو لـــلـــســـمـــاء         بــــــــشــــــــجـــــــونٍ وبـــــــــــكـــــــــــاء