شعراء أهل البيت عليهم السلام - [59] هذا هو العمر

عــــدد الأبـيـات
51
عدد المشاهدات
1962
نــوع القصيدة
عامية
مــشــــاركـــة مـــن
تاريخ الإضافة
26/09/2009
وقـــت الإضــافــة
05:40 صباحاً

خطفوا عمري وهشموا صدري= ناديتك والمدمع يجري ما تدري اشصار= يا حيدر هجموا عالدار= يا حيدر يا با الحسن يوم الشدد= للدين عزمك مظهر تشهد بدر تشهد أحد= تشهد لعزمك خيبر يا فارس الخندق صرت= أنت الأصل يا حيدر يالضارب بسيفين وجه الاحزاب=يالطاعن ابرمحين يا داحي الباب ابصرخةحزن انشد ودلالي ذاب=اشلون اصبرت والضلع من عندي انصاب تدري بوضعي اتهشم ضلعي= مظلومه وما ينشف دمعي گوم الأشرار= يا حيدر هجموا عالدار= يا حيدر عالدار هجموا يا علي= ونار الظلم شبوها ظنيت بالباب احتمي= الباب ابحقد دفعوها ناتج وصية والدي= ابكسر الضلع جازوها واخذوك من يمي ابغصب ياوسفه=وآنه اطلعت خلفك اصيح ابلهفه اتعيفوه لو اكشف لثام العفه=ما شوف لن ظالم سطرني ابچفه راح الغالي وهذا التالي= احتار ابحالك لو حالي ابصدري البسمار= يا حيدر هجموا عالدار= يا حيدر نار اللواعج بالگلب= متوجره وتتلضه انهض واطيح أعله الأرض= ما عندي حيل ونهضه لمن شفت محسن وگع= ابصوتي صحت يافضه يا فضه محسن عالأرض ذاك اوياه=يا فضه خلف الباب عينچ تلگاه من گبل ما للدنيه يفتح عيناه=هذا الجنين اعليه جارت دنياه طايح يمي وزيد همي= ابيا عين انظر محسن مرمي عگب المختار= يا حيدر هجموا عالدار= يا حيدر صابت مرامي النايبه= واختلف حالي أو وضعي ضلعي انهشم يا با الحسن= وبعيني فايض دمعي ما ادري أمسح دمعتي= ما ادري ألزم ضلعي چم فأجعه بهاليوم تتصدالي=ما ادري أحتار ابمرارة حالي ما ادري أمسح دمع عيني الغالي=ما ادري انظر للجنين اگبالي ذايب گلبي اعليمن عتبي= محتاره وما أندل دربي شبوا هالنار= يا حيدر هجموا عالدار= يا حيدر ساهره عيوني وبالحزن= أحسب وأعد انجومي ما بين محسن والضلع= قسمت كل اهمومي بالعمر ما عندي أمل= گرب يحيدر يومي يوم الحزن هاليوم اصعب كل يوم=والدمع ما ينلام من يجري ادموم أنت رحت للبيعة غصبوك الگوم=وآنه بگيت بألم ضلعي المهشوم غرگت روحي بدمعة نوحي= مجروحه وشيداوي جروحي يا حامي الجار= يا حيدر هجموا عالدار= يا حيدر كل ساعه روحي من الهظم= تصحه وتغيب وتصحه يا علي وطغيان الخصم= بالگلب ثابت رمحه والينجرح غير الصبر= محد يطيب جرحه ظنيت امسح بالصبر دمعاتي=احترگت اوراق الصبر من حسراتي ابگلبي احملت آهاتك وآهاتي=خليني آنه ودنيتي وحسباتي اتگول افكاري بدمعي الجاري= لا نارك تخمد لا ناري ابهتك الأستار= يا حيدر هجموا عالدار= يا حيدر (لندن 1991 م)
Testing