يــهـلال الـغـابـت أنــوارك         بـيـن الـكـعبه وبـين الـلوح
جـارت هـاي الـدنيه أعلينه         تــدري وتـعـلم يــا مـهدينه

يــا گلـب الـمختار وروحـه         يــا شـمـعة عـيـن الـكـرار
يـــا تــيـار افــلاك الـعـالم         والــكـون ابچفـــك يــنـدار
يــا مـيـعاد الـطـال أعـلينه         واحـنـه نـصـيح الـثار الـثار
يـا مـن بـظهورك عـسّالك         يـشـعل نــار ويـخـمد نــار
رمـحك يـشعل نار الموعد         ثــارك يـخـمد نــار الـنـوح
چم نــار الـلي تـسعر بـينه         تــدري وتـعـلم يــا مـهدينه

يـالمهدي امـصايبكم كثرت         لا چن نـذكـر مـنها مـصاب
نـعوف الـهادي وحالة دفنه         ونـترك مـحسن يـم الـباب
ونـتـرك حـيدر جـدك لـمن         رأسـه اتـصوب بـالمحراب
لاچن نــذكـر حـالـة عـمـك         دلالـــه بــنـار الـسـم ذاب
عـالـمسموم اتـهل عـبرتنه         ونـحسبلك يـالمهدي جروح
عــن هــذا الـحـال وتـبيينه         تــدري وتـعـلم يــا مـهدينه

يـالـعايش مــا بـين الـوادم         لاچن غـايب عـن كـل عين
سـهم غـيابك بـينه اتـفرس         واحـنه انـعد سـنين سـنين
نـعرضلك هـالحال ونـشرح         والـمـدمـع يـعـرض تـبـيين
عـمك بـالسم چبده اتگطع         ونـعشه نصاب بسهم البين
مــا يـخفاك الـحال وتـعلم         والـمجمل عـندك مـشروح
حـــال وبـالـمـدمع تـدويـنه         تــدري وتـعـلم يــا مـهدينه

سـجـلـت بـصـفحة آلامــك         مـوقـف بـالـمدمع مـكتوب
سهام الجور الصابت نعشه         اتـحولت للطف يالمحجوب
طـفوا شـمعة جـاسم بـيها         وچفه من المنحر مخضوب
يــا مـحـنه الـتگدر تـنساها         عـمك لـو شـبله المصيوب
الوالد نعشه سهام اتصوب         وجـاسم بـالمصرع مـذبوح
اسـهـام الـتـرميكم تـرمينه         تــدري وتـعـلم يــا مـهدينه

لـلـطـف لــو رايــد تـتـعنه         شـتشاهد بـألطف يـا حـال
يـالمهدي عـيونك مـا تنظر         غــيـر الــخـدّر والأطــفـال
وتـشـوف خـيامك تـتلاهب         وتشوف اجساد أعله رمال
وتـشـوف الـسـجاد امـكبل         لاچن بــصــفـاد واغـــــلال
وتسمع عمتك زينب تصرخ         نـطـلع ويــن وويــن نـروح
مــا ظـل مـغوار ايـحامينه         تــدري وتـعـلم يــا مـهدينه

يـالمهدي ونـعرضلك صوره         اتـهـدم حـيـلك يــا مـوعود
لاچن نــعـلـم يـــا غـايـبـنه         حـلمك مـن حـلم الـمعبود
نـرويلك مـوقف عـن زينب         والـمـوقف عـندك مـشهود
اتـعـنت لـلـعباس وشـافت         بـالـمـصرع چفـيـن وجــود
وگفـت يم جسمه ودمعتها         مـزجـتها ابـدمه الـمسفوح
اشعملت من شافت چفينه         تــدري وتـعـلم يــا مـهدينه