يـــبــن أمـــــي فـــارگتــك         عـــالــغــبــره ودعــــتــــك

مـن بـعد الـغيبه اللي طالت         رديــــت لگبــــرك رديــــت
جـيـتك بـهـمومي واحـزانـي         وبـلـهـفـة گلــبــي اتـعـنـيت
انـــه الـمـهـمومه الـمـسبيه         وبــصـوت الـمـدمـع نـاديـت
عـفـتـك عـالـتـربان امـــوذر         جـيت ومـا شـفتك من جيت
يــــــا خـــويـــه واعـــدتــك         بــالــرجــعــه عـــاهـــدتــك

حـسبت أرجـعلك يـبن أمـي         وبـالـمـصـرع بــعـدك الگاك
مـا شـفتك مـن يـوم العفتك         مـتـوسـد مــا بـيـن اعــداك
بــس اگبــور تـشـاهد عـيني         وگلــب اخـتك صـاح ونـاداك
يم جسمك هاك ادفن روحي         وخـلـيـنـي ابگبـــرك ويـــاك
بـــدمـــوعــي غــســلــتـك         وبـــــروحــــي چفّـــنـــتــك

بـس ما شفت الطف ابعيني         ردت وانـــعــادت الأفــكــار
صـرت أذكـر مـصرع ولياني         وأذكـــرت خـيـامـك والـنـار
واذكــرت الـعـاشر ومـصابه         واشـمـا حــل أعـلينه وصـار
واذكـــرت الـلـيـل وأيـتـامك         مــحـتـاره اتــلـوذ ابـمـحـتار
يـــالـــوالــي حــشــمــتــك         نــاديــتــك آنــــــه اخـــتــك

عــديـت الـلـيـل وسـاعـاتـه         واتــنـطّـر وجـــه الـمـصـباح
مـا أسـمع لن صوت الحادي         صـــاح وظـعـنـك عـنـك راح
واصعب موقف شافت عيني         روس انـشالت فـوگ ارمـاح
مــن يـمـك رحـنـه بـهالحاله         ويــم جـسمك عـفنه الأرواح
لــلــكــلــفـه ذاخـــــرتــــك         لــــلـــشـــده رايـــــدتــــك

مـــا أرويـلـك شــدة حـالـي         إنــشـد رأســك چان اويــاي
رأســك خـل يـحچيلك عـني         ويـشرح عـن لـوعة ممشاي
مــحـتـاره بــأيـتـام وخــــدّر         واشگف لـلـسـوط ابـيـمناي
أتـحـمـل جــمـرة فـرگتـكـم         لـــو أحـمـل جـمـرة دنـيـاي
عـــــن حـــالــي أخــبـرتـك         بـــعــيــونــي وســــدتــــك

مـن يـوم الـعفتك بـالمصرع         مـا غـمضت عـيني لـها ليوم
اگعـــد بـاصـرني وحـاچيـني         شـيـصـبر گلــبـي الـمـهموم
مـالـومـك يـالـغـايب عــنـي         يـبـن أمــي وشـيـفيد الـلوم
مــا يـدري بـحال الـمظلومه         ولا يـعـلـم غــيـر الـمـظلوم
بــالــمــصــرع اتـــركــتــك         وبــعــيــنــي شـــاهـــدتــك

بـهـمـومي ولــوعـة دلالـــي         اتـعـنيتك مــن درب الـشـام
جـيـت وجـبـت اثـلاثه أويـايه         نـــــــوح ودمـــعـــات وآلام
يـبن أمي جروحك وجروحي         مـرسـومـه بـعـيـن الأيــتـام
اخـذت كـل مـا عندي الدنيه         واشـخـلّـت عــنـدي الأيـــام
بـــالـــعــتــب لـــوعـــتـــك         يــــــا وســـفــه ضــيـعـتـك