گوم اســألـهـا گوم اسـألـهـا         زيـنـب رجـعـت گوم اسـألها
لــمــن عـافـتـكم يـحـسـين         ويــه اعـيـالك راحــت ويــن
گوم اســألـهـا گوم اسـألـهـا         زيـنـب رجـعـت گوم اسـألها

هـاي اخـتك رجعت بظعونك         جـــابــت ويـــاهــا الايــتــام
گوم اسـألها وخـل تشرحلك         كــلـمـا شــافـت مـــن آلام
شـوف الـدنيه اشـعملت بيها         واشـعـمـلـت بـيـهـا الأيـــام
تـنـتقل كــل يــوم ابـمجلس         بـيـن الـكـوفة وبـيـن الـشام
مـــن أولــهـا، مـــن أولــهـا         خــل تـشـرحلك مــن أولـها
عگبـك شـافت چم امـصاب         لـو رايـد مـن عـدها اجـواب
گوم اســألـهـا گوم اسـألـهـا         زيـنـب رجـعـت گوم اسـألها

خـل تـشرحلك كـلما شافت         مــن يــوم مـصـابك لـلـيوم
أول حــالــه الــمـرّت بـيـهـا         شـافـت عـالـتربان اجـسوم
وگفـت فـوگ الـتل وصاحت         يـحـسين ادركـنه مـن الگوم
مـا سـمعت مـنك كـل چلمه         وأيـسـت مـنـك يــا مـظلوم
نــتــمــثـلـهـا، نــتــمــثـلـهـا         حـــالــه زيـــنــب نـتـمـثـلها
بــيـن الــنـار وبـيـن الـخـيل         اشـلون اتـحملت ذاك الـليل
گوم اســألـهـا گوم اسـألـهـا         زيـنـب رجـعـت گوم اسـألها

سـهـرانه الـلـيل ومـا نـامت         واتــراقـب حـــال الأطـفـال
بـس مـا راح الليل الموحش         لـــن تـنـظر وجــه الـجـمّال
يــا مـظـلوم وهـذا الـموقف         مــا چان ايـمـر أعـلـه الـبال
مـنـهوا يـصدگ اخـتك زيـنب         تــطـلـع مـسـبـيه بـهـالـحال
مــــا نـقـبـلها، مـــا نـقـبـلها         صـعـبه الـحـالة ومــا نـقبلها
بــغـيـاب الاخـــوه الاكـــرام         ويـــا مـــن راحــت لـلـشام
گوم اســألـهـا گوم اسـألـهـا         زيـنـب رجـعـت گوم اسـألها

دخـلـت لـلطف بـين اخـوتها         طـلـعت مــا بـيـن الـعـدوان
تـريـد اتـودعـك مــا خـلـوها         عـافـت جـسـمك عـالـتربان
والــحـادي اتــوجـه لـلـكوفة         ابـخـدّر وأطـفـال ورضـعـان
مـسـبـيـه ابــجـور الـحـدّايـه         وگطـعـت كــل ذيچ الـوديان
طـلـعت الـهـا، طـلـعت الـها         أهــل الـكـوفة طـلـعت الـها
بــيــن الـشـامـت والــغـدار         مـن وصـلت للكوفة اشصار
گوم اســألـهـا گوم اسـألـهـا         زيـنـب رجـعـت گوم اسـألها

أول مــــا طــبـت لـلـكـوفة         وگفــوهـا گبــال ابــن زيــاد
ظــالـم مــغـرور ابـطـغـيانه         وهـذا الـظالم تـدري اشـراد
رايــد يگطــع نـسـل الـعتره         ويــحــوم لچتـــل الـسـجـاد
صـارت ضجه بذاك المجلس         ومـصـابـك يـحـسـين انـعـاد
يــتــأمــلــهـا، يــتــأمــلــهـا         صـــــد لــعـيـالـك يـتـأمـلـها
ولـسـانه أعـله الـخدّر طـال         وزيـنـب سـمـعت كـلما گال
گوم اســألـهـا گوم اسـألـهـا         زيـنـب رجـعـت گوم اسـألها

طـلـعت مــن اديـار الـكوفة         اشلون اوصف حالتها اشلون
لــلـشـام اتــوجــه حـاديـهـا         وعــدوانـك صــاروا يـحـدون
من توگع طفله من المحمل         ايـعـيفون الـطفله ويـمشون
والگطـعـوا رگبــة عـبـد الله         اشـلون ابـهالطفله ايرحمون
مــن مـحملها، مـن مـحملها         طـفـله الـتوگع مـن مـحملها
تـركـض زيـنـب الـها ابـساع         چم طـفله الـطاحت عـالگاع
گوم اســألـهـا گوم اسـألـهـا         زيـنـب رجـعـت گوم اسـألها

وصـلـت لـلـشام واطـفـالك         تـنـتـقـل مــــن ايـــد لأيـــد
فــــــوگ الآلام الـشـافـتـهـا         اخـتـك شـافـت وجــه يـزيـد
والــيـوم اتـعـنـت بـظـعونك         گوم اســأل زيـنـب شـتـريد
هــاي الـمـسبيه الـمـظلومه         رجـعـتـلك مــن درب ابـعـيد
تـسـتـقـبـلـها، تـسـتـقـبـلـها         زيــنــب ظــنـت تـسـتـقبلها
طـالـت غـيـبتها اويــه الگوم         شـنـهو الأخـرهـا لـهـا لـيـوم
گوم اســألـهـا گوم اسـألـهـا         زيـنـب رجـعـت گوم اسـألها