يـالگبـرك ضـمـك عـن عـيني         بـمـصـابك مـنـهو ايـواسـيني
اگعــد يـبـن أمــي وحـاچيني         وعــن مـوضـع گبـرك دلـيني

اشـرحلك عن وضعي وحالي         أخـلافـك ظـلـيت ابــلا والـي
أصـــبــح چتــالــك يــبـرالـي         شـاهـدتـك مــذبـوح اگبـالـي

نــاديـتـك مــــا تـعـلـم بــيـه         راح اطــلـع عــنـك مـسـبـيه
امـشي وعـيني اعـليك اربـيه         عــن ظـعـنك انـشـد حـاديـه

الـكـوفة ابـلـوعتنه ادخـلـناها         وبـفـيـض الـمـدمـع عـفـنـاها
والگوم الـلـي رحـنـه اويـاهـا         جــارت عـالـعيله ابـمـسراها

لـلشام مـن الـكوفة اخـذونه         جــاروا بـالـمسره وضـهدونه
عـالـنـوگ الــهـزّل مـشـونـه         وبــضـرب الـسـوط اتـولـونه

نـمشي ورأسك يمشي اويانه         لـلـشام اوصـلـنه ابـمـسرانه
مــن گصــره ايـزيـد اتـلگانـه         وابچلــمـة شــامـت حـاچانـه

بـالـمـجلس خــلانـي اگبـالـه         لــن زودي وعـزمي اتـصداله
ذلــيــتـه وذلــيــت ارجــالــه         وخــيـبـت اظـنـونـه وآمــالـه

والــيـوم اتـعـنـتي ابـظـعـنك         يـبن أمـي وجـيت أنشد عنك
يـــا مــظـوم اتــعـذر مــنـك         مـا چنـت آنـه بـساعة دفـنك