يـبـن أمــي يــا مـظـلوم         يــمــك رجـعـنـه الــيـوم
عــالــغـبـره خــلــيـنـاك         رديــــنـــه مـــلگيــنــاك

آنـــه الـعـقيلة وبـالـحزن         گلـبـي اسـعـرت نـيـرانه
جـيـت وجـبـت هـالـعايله         ومــــا واحــــد اتــلگانـه
يـمك رجـعنه مـن السبي         وراســـك رجـــع ويــانـه
أبـنـظرات عـيـنه يـلتفت         وأعــلــه الگبـــر دلانـــه
رأســـك رجـعـنـه آويــاه         يــــم الــجـسـد جــبـنـاه
صـــوت الــدمـع نــاداك         رديــــنـــه مـــلگيــنــاك

بـالـنوح والـهـم والـدمـع         رحــنـه مـثـل مــا جـيـنه
والـيـوم مـن ذاك الـيسر         يـــــم الأهــــل رديــنــه
عـالـغبره عـفناكم جـثث         واطـلـعـنـه يـــا والـيـنـه
ولــمـن رجـعـنه لـكـربله         بــــس الگبـــور الگيــنـه
عـالـغـبره عـفـنه أبــدور         جـيـنـه ولگيــنـه اگبـــور
چان الأمـــــل نـــــلگاك         رديــــنـــه مـــلگيــنــاك

بـس مـا وصـلت لـكربله         وشـفت الطفوف اگبالي
اتـذكرت يـوم الـلي رجع         مـهـرك بـسرجه الـخالي
واذكــرت غـارات الـعده         واذكــرت سـلب اعـيالي
واذكرت عالتل من رحت         اصـــرخ فگدنــه الـوالـي
عـالـغبره جـسـمك طـاح         والـــحــادي بــيــنـه راح
بـهـالـحـالـه فـــارگنــاك         رديــــنـــه مـــلگيــنــاك

ابـفـجرية الـحادي عـشر         لـلـيسر مـن ردت اطـلع
ودعـتـك وعـفـت الگلـب         يــمـك بـــذاك الـمـصرع
ظـنـيـت اعـــود لـكـربله         واسـتـلـمه لـمـن أرجــع
ما شفت گلبي ولا شفت         جـسـمك الچان امگطــع
عـفـت الگلــب ومـشيت         مــا شـفـته مــن رديــت
گلــبــي انــدفـن ويـــاك         رديــــنـــه مـــلگيــنــاك

عـفـناك وبـصدرك سـهم         صـابك طـلع مـن ظهرك
وعفناك مرمي بمصرعك         دمـك يـصب مـن نـحرك
ظـنـيت ارجــع بـالـظعن         وردود عـيـنـي اتـنـظـرك
مـا چنـت ادري ابرجعتي         الگاك خــويــه ابگبـــرك
شـفـت الـجـسد مـفگود         بــــس الگبـــر مــوجـود
بــالــدمـعـه ودعـــنـــاك         رديــــنـــه مـــلگيــنــاك

يـحـسين يـا هـم يـنحمل         هــم الـحـرم لــو هـمـك
عـيـلتك مـن بـعد الـيسر         يـبـن أمـي رجـعت يـمك
عـافـتك مــن يـوم الـذي         بـالخيل سـحگوا جـسمك
مـا عـدها عـنك كـل خبر         مــن يـوم سـفكوا دمـك
هـــاي الـحـرم يـحـسين         صــاحـت يــنـور الـعـيـن
بـــذاك الـوضـع عـفـناك         رديــــنـــه مـــلگيــنــاك

يـحـسـين هــاي الـعـايله         تـعـلـم وتـــدري شـبـيـها
مـسـبيه لـلشام اطـلعت         جـــور الــدهـر سـابـيـها
هـالـيوم اجـت واتـوزعت         كــل وحــده يــم والـيـها
وكل وحده گعدت يم گبر         دمــعـة حـــزن تـجـريـها
وآنــه أعـله گبـرك جـيت         بــصـوت الـدمـع نـاديـت
ابـهـظـم الـيـسر جـيـناك         رديــــنـــه مـــلگيــنــاك