گالــــولـــي عـــبـــد الله انــــــفگد         ظـــلــيــت اعــــايـــن عــالــمــهـد
والــــــمـــــهـــــد خــــــــالـــــــي         والــــــمـــــهـــــد خــــــــالـــــــي

عـبـدالله يــا زهـرة دلـيلي الـمنفجع         يـا شـمعة ايـامي وبدر عمري اليشع
صـبـيـت دمـعـي بـالـوريد الـمـنگطع         بـــلچن يـعـبـدالله يــرويـك الــدمـع
مـــن غــبـت عـــن عـيـنـي شـفـت         ســــــــــــــــود الــــلــــيــــالــــي
لــــيــــل ونــــهــــار امـــدوهـــنــه         وأعــلــه الــمـهـد ظــهــري انـحـنـه
والــــــمـــــهـــــد خــــــــالـــــــي         والــــــمـــــهـــــد خــــــــالـــــــي

عـبدالله مـن رفرف اجناح امصيبتي         نـاديـت والـدمـعات تـجـرح وجـنـتي
ابـفگدك يـطير الـسعد زادت لوعتي         مـا أدري گطـعوا رگبـتك لـو رگبـتي
والــــنـــوح والــــــون والــنــحــب         عگبــــــــــــــــك حــــــــلالـــــــي
دمــــعـــي يـــعــبــد الله جـــــــره         وعــيـنـي أعــلـه مــهـدك ســاهـره
والــــــمـــــهـــــد خــــــــالـــــــي         والــــــمـــــهـــــد خــــــــالـــــــي

سـاهره عـيوني وأنشد نجوم السمه         هـم شـايفه اهـلال ايـتخضب بالدمه
روحـي أعله مهدك بالمصايب حايمه         انـحـب عـلـيك وخــل تـلـوم الـلآيمه
ارخـــــص ادمـــوعــي الـبـالـجـفـن         والــــــــدمــــــــع غــــــــالـــــــي
مــــن شــفــت نــحــرك مــنگطـع         عــالــمــهـد صـــبــيــت الــــدمـــع
والــــــمـــــهـــــد خــــــــالـــــــي         والــــــمـــــهـــــد خــــــــالـــــــي

يـا أمـل روحـي الـما بـعد عدها امل         دمـعـي مـثـل دمـك يـعبد الله هـمل
يـا وسـفه عـودك يـا بـعد بـيتي ذبـل         والگلـب چم نـايبه وچم لـوعه حـمل
والـــــــروح ظــــلـــت ســـارحـــه         ابــــــعـــــالـــــم خـــــيـــــالـــــي
تــتــفــايــض عـــيــونــي دمـــــــه         وروحــــي اعــلـه مــهـدك حـايـمـه
والــــــمـــــهـــــد خــــــــالـــــــي         والــــــمـــــهـــــد خــــــــالـــــــي

يـا عـين اشـوفك يبني محزوز النحر         مـهمومه مظلومه وفجع گلبي الدهر
عـيون أمـك انـمهرت ابنبلات السهر         وأعـله الـمهد انـحب وأشـبح بـالنظر
راحــــــن يــوســفــه ابــروحــتــك         عــــــــــــــــزي ودلالـــــــــــــــي
بـــــا صـــرنــي يـــهــلال الــسـعـد         واشـــلــون اهــــز مــهــدك بــعــد
والــــــمـــــهـــــد خــــــــالـــــــي         والــــــمـــــهـــــد خــــــــالـــــــي

عـني رحـت واتـركت ورحي اموجله         خـلـيـتـني آنـــه وزمــانـي وكـربـلـه
يـا ريـت صـابت نـحري نـبلة حـرمله         ولا شـوف يـبني دمـوم نحرك سايله
يـــولـــيــدي نـــبـــلــة حـــرمــلــه         غــــــــيــــــــرّت حــــــــالــــــــي
مــذهـولـه مــــا خــذنــي الــحــزن         واعـــلـــه الــمــهــد أنـــحــب وون
والــــــمـــــهـــــد خــــــــالـــــــي         والــــــمـــــهـــــد خــــــــالـــــــي

لـمن فـصل نـحرك يـعبدالله السهم         أهجس وگع بيتي وعلى راسي انهدم
نـاديـتـك بــصـوت الـنـوايب والألــم         يـا ريـت گبـلك عمري بألطف انختم
ســــاعـــة الــطــفّــوا شــمــعـتـك         تــــــــــــــدري اشـــــجــــرالــــي
لـــمــن شـــفــت دمــــك يــصــب         عــالــمــهــد ذبــــيـــت الگلـــــــب
والــــــمـــــهـــــد خــــــــالـــــــي         والــــــمـــــهـــــد خــــــــالـــــــي

مـنصوب مـهدك بين ضلعي والگلب         لو تحيا چان ارضعتك بدمعي اليصب
والـدمعه لمن تنشف أعصرها غصب         مـا شـافت أعيوني مثل هذا الخطب
بـــــــس الــمــنــاحـه والــــحـــزن         والــــــــهـــــــم صـــــفـــــالـــــي
هــــاك ارتــــوي بــدمـعـي الـيـهـل         مــــا أنــســه يــومـك يـــا لـطـفـل
والــــــمـــــهـــــد خــــــــالـــــــي         والــــــمـــــهـــــد خــــــــالـــــــي