عــلــى ابــــن أمـــي كــثـر هــمـي         كــثــر هــمــي عــلـى ابـــن امـــي

چلـمـة حـزن وهـموم ونـحيب ونـوح         ظـهرت مـن گلـب مـتصدع ومجروح
هـاي الچلمه مصحوبه بدمع مسفوح         غـابـت ويــه روح الـمـجتبى چم روح
انــــمــــرد چبــــــــده وعگب فگده         انــهـدم عــزمـي عـلـى ابــن امــي

چن صـوت الأجـل نـاداني يـا مظلوم         وگع سور الأبه وراح الحسن مسموم
وآنـه ابـهمي أصرخ من گلب مهموم         ديـجـور الـكـفر يـطـلبنه يــوم ابـيوم
ســفــح دمــعـي انـعـطـف ضـلـعـي         ونــشـف دمـــي عــلـى ابــن امــي

خــلانـي زمـانـي امـدوهـن ومـحـتار         عـنـدك راح ابــث الـعتب يـا لـمختار
لــو أدري الـدمـع يـخمد لـهيب الـنار         چان انـحب وانـوحن وحـن ليل انهار
ابـجـمـر نــوحـي اســعـرت روحــي         الگلـــب مــدمـي عـلـى ابــن امــي

يـا جـدي الـمدامع تجري مني ادموم         مـحتوم الأمـر وأدري الأجـل مـحتوم
اعـتب الـمن اعـتب والـعتب مـذموم         گالــوا لــوم دهــرك وشـيفيد الـلوم
ابگهــــف گلــبـي احـبـسـت عـتـبـي         ونـحـف جـسـمي عـلـى ابــن امــي

بـصوتي صـحت يـا جدي أريد اجواب         شـأنسه مـن الـدهر يـا نايبه ومصاب
أنـسه الضلع يوم الهجموا اعله الباب         لـو أنـسه الـوگع مـنصرع بـالمحراب
الــدمــع جــــاري وتــشــب نـــاري         انـخـتـم هـظـمـي عـلـى ابــن امــي

نـفـرض أنـسـه كـسر الـضلع والآلام         نـفرض أنـسه طبرة والدي الضرغام
اشـلون انـسه الـحسن يالوعة الأيام         نـعش ابـن امـي تـتنائر عـليه اسهام
عــلــى الــغـالـي اخــتـلـف حــالـي         أو غــدت تـرمـي عـلـى ابــن امــي

يــا جــدي عگب مـا لـلحسن سـموه         بـسـهام الـضـغاين لـلـنعش صـابـوه
يـالـمختار وابـشـع كـل فـعل فـعلوه         يـمـك ردت ادفـنـه ولـلـدفن مـنـعوه
ابــتــعــد عـــنــك مـــضــه مـــنــك         ابــدفـن حـتـمـي عــلـى ابــن امــي

گبـل الـحسن يـا ريـت انـمرد چبـدي         هــاذا الـجـره وهـذا الـصار يـا جـدي
هـالـيوم الـمـصيبه اتـسـلحت ضـدي         أصـبـر وادري غـير الـصبر مـا عـندي
بــــنـــي غــــالـــب بــالــمـصـايـب         تــحــن يــمــي عــلـى ابـــن امـــي