عودة الحرم إلى كربلاء كربلا هذي حطّوا ظعوني=و بالعجل قبر ابن امّي راووني كربلا هذي روضة احزاني=كربلا هذي الخطفت اخواني كل هضم بيها دهري راواني=خل اخوتي يجوني و ينزلوني كربلا وين حسين و اخوانه=كربلا وين رجاله و شبّانه كربلا وين اطفاله و رضعانه=وين الهواشم ما يتلقّوني بالعجل بالله قومي يَسكينه=للولي ودّيني القبر وينه نخبر الوالي بالسدى علينا=وارد اقلّه السّوط ورّم متوني صاحت سكينه بدمع يتجارى=هذا قبره و هاي شعّة انواره ما تشوفينه اشكثر زوّاره=نادت القبره بعجل دخذوني مشَت مدهوشه و تجذب الحسره=تصيح قبرك وين يا حشا الزّهرا دقعد احكي لك محَن هالسّفرة=شيّبت راسي ما تشوفوني فارت جسمك بالتّرب عريان=و رحت مسبيّه ويا زجر و سنان علَى الهزل والله قطَعت هالوديان=مكدّره احوالي و لا يرحموني مَقدر اوصف لك يالولي حالي=ناقتي عجفه و راسك قبالي و التِفت حشاي حنّت اطفالي=من العطَش و الجوع بس يطلبوني يابن امّي بهالحال طفت بهالبلدان=أسكّت الايتام و تضج النّسوان ياخويه و تدري بولية العدوان=كعب الرّمح دُوم يلعب بمتوني و الهضُم يَحسين طبّة الكوفه=و الكل علينا يصفج كفوفه و حالنا يحسين ريتك تشوفه=الخلق رايح جاي بس يشوفوني و مجلس ابن زياد ياعظم مصابه=ابحبل مربوقين بين نصابه و هاجت احزاني و صحت يا يابه=بمجلس مكتوفه و كلكم تجوفوني و سفرتي للشّام مقدر احكيها=حرمه و ذليله و بيد اعاديها و ضجّة الايتام من يصاليها=و محرومه من النّوم يالولي عيوني و عيلتك يحسين قشره حالتها=هذي عليله و تجر ونّتها و هذي نص الليل طاحت طفلتها=و انا وحيده و لا يرحموني و اصبحت يحسين بالدّرب لَقشر=عندي جنازه و حايره بالبَر و الولي مغلول ينحب محيّر=و الحوادي تريد شيلة ظعوني يبن امّي و الشّام جينا الواديها=و طلعت بالرّايات كل اهاليها مقدر أفصّل حالتنا بيها=و عن ديني خويه والله يسئلوني و طبّة الدّيوان ذوّبت قلبي=و انعمت عيني و لا شفت دربي بلّغ العبّاس شرهتي و عتبي=ما يشوف السّوط سوّد متوني دقعد يا عباس نزّل ايتامي=و العلَم شيله و نشره جدّامي جيتك منحوله و القلب دامي=آه يَدَهري شلون خيبَت ظنوني روسكم يحسين قعدوا جبناها=من فارقناكم ما فارقناها وصلت حرمكم قوم اتلقّاها=و للوطن يحسين ما تردّوني