زفاف القاسم ابن الحسن استنهاض حامي الشريعة لحضور زفاف القاسم (ع) ليش ابو فاضل مطوّل نومته=و ابن اخوه جسّام يرقب جيّته نريد يحضر زفّته شلون يا عبّاس ما تثور بعزم=بامر اخوك حسين منتَه الملتزم بزفّة الجاسم ترى عنده جزم=يقول ليث الغاب طوّل غيبته نريد يحضر زفّته قوم يالاكبر يَشبل المرتضى=روح للمسناة عمّك و قّضه ينهض بهمّه الولد عمره قضى=شبل اخوه الحسن يسكب دمعته نريد يحضر زفّته قال عمّي علَى المسنّايه جديل=دمّه من الهام و زنوده يسيل خل نزفّه بهالحريم و هالعليل=لكن ابن الحسن كنها رغبته نريد يحضر زفّته قلّه يبني روح شد جروحه=و نشف الها دمومه المسفوحه بلكت المهيوب ترجع روحه=هذا جاسم ينتظرها نهضته نريد يحضر زفّته قلّة يا مهجة الهادي يا عطوف=ما بقت للحيد هامه و لا كفوف نادته زينب و مدمعها ذروف=قوم بالاكبر نروح الجثّته نريد يحضر زفّته هل دمع جاسم و ظل يزفر زفير=صاح عمّي هالعرس صعب و عسير و العرس ويّاه الجنازه ما يصير=و لَن تقلّه ام المصايب عمّته نريد يحضر زفّته قومي يَسكينه و يَرَمله و يا رباب=نروح له و نجيب من دمّه خضاب بلكي يقدر يحضر زفاف الشّباب=كافلي لازم يثور بغيرته نريد يحضر زفّته و رمله ما بين النّسا تمشي و تطيح=تجذب الحسره و مدامعها تسيل و دنت للمظلوم مدهوشه و تصيح=انتظر يَبن البتوله جيّته نريد يحضر زفّته وين حيدر ما يجي لرض الطفوف=حاضر الشدّات و بعينه يشوف على مخيّم مهجته العسكر يطوف=و شاب متزوج بعد من عيلته نريد يحضر زفّته وين ابو محمّد يجينا بالعجَل=يساعد المظلومو يلم الشّمل هذا جاسم دمعته بخدّه تهل=خل يجي يوصّل الجاسم خيمته نريد يحضر زفّته و ما يجي محمّد يشوف اخوانه=ما يثور بعزوته و فرسانه قسم زفّافه و قسم دفّانه=و ينظر الجاسم اكفانه بدلته نريد يحضر زفّته